midi.is

Húslestur - Ragna Sigurðardóttir
Blikastíg 3, 225 Álftanesi

Hafmeyjar og náttúruandar

Persónur í sögum Rögnu; hafmeyjar og náttúruandar, rússneskir málverkafalsarar og starfmenn Bónusverslana verða kynntar fyrir gestum. Hjónin Ragna og Hilmar Örn Hilmarsson sjóða saman texta og tóna í sameiginlegum bræðingi og Hilmar Örn býður gestum í Krummaskuð þar sem hann sviptir hulunni af leyndardómum kvikmyndatónsmíða.

Húslestrar á Listahátíð 2012
Víða um borg
Á íslensku: 26. og 28. maí
Á þýsku: 30. og 31. maí og 1. júní

Höfundar bjóða heim í húslestra og er þetta í fjórða sinn sem gestum gefst færi á að heyra og sjá uppáhaldshöfund sinn á Listahátíð. Örfá sæti eru í boði á þessa einstöku viðburði með fjölbreytilegum skáldskap; ljóðum, sögubrotum, barnabókmenntum, útgefnu efni og óbirtu.

Nýmæli í ár eru þrír húslestrar á þýsku en margir íslenskir höfundar eiga fjölda aðdáenda utan landsteinanna. Þrjú skáld bjóða í húslestra sem fram fara á þýsku og vilja með því fylgja eftir velgengni og góðum viðtökum í haust þegar Ísland var heiðursgestaland á bókasýningunni í Frankfurt.

Þýskir húslestrar eru í samstarfi við Sögueyjuna Ísland.