midi.is

Allangt er síðan Friðrik Þór hefur sent frá sér leikna kvikmynd og óhætt að segja að þessarar myndar sé beðið með þó nokkurri eftirvæntingu. Hér er Friðrik Þór í essinu sínu með persónulega, hjartnæma og bráðfyndna kvikmynd sem sýnir allar hans bestu hliðar sem kvikmyndargerðarmanns.

Myndin segir af Gógó, fullorðinni konu sem greinist með Alzheimer. Á sama tíma og Gógó berst við sjúkdóminn er sonur hennar í fjárhagskröggum vegna nýjustu kvikmyndar sinnar, "Börn náttúrunnar", sem enginn hefur áhuga á að sjá í kvikmyndahúsum landsins.
Hann trúir því statt og stöðugt að Óskarsverðlaunatilnefning sé handan við hornið á meðan myndin er sýnd fyrir tómum sölum og bankastjórinn skilur ekkert í því hvernig honum datt í hug að gera mynd um "gamalt fólk að ráfa um í þoku."
Í myndinni eru sýndar grátbroslegar hliðar á sjúkdómnum auk þess sem erfiðleikum og togstreitu aðstandenda er miðlað á einstakan hátt í sambandi sonarins við móður sína.

Leikstjóri: Friðrik Þór Friðriksson
Handrit: Friðrik Þór Friðriksson
Leikarar: Kristbjörg Kjeld, Hilmir Snær Guðnason & Gunnar Eyjólfsson