midi.is

Listamaðurinn (The Artist)
2011 Frönsk kvikmynd
Tegund:  dramatísk gamanmynd
Lengd: 100 mín
Leikstjórn: Michel Hazanavicius
Aðalhlutverk: Jean Dujardin, Bérénice Bejo, John Goodman.

Þessi mynd kom öllum að óvörum árið 2011 og er talin líkleg til að fá Óskarsverðlaun fyrir bestu myndina 2012. Á tímum bíómynda í þrívídd, kemur „Listamaðurinn“ verulega á óvart: svart-hvít, þögul kvikmynd. Mjög djörf hugmynd sem gefur gersamlega slegið í gegn.

Hér er sögð saga George Valentin, sem var stjarna þöglu kvikmyndanna í Hollywood 1927. Þegar talmyndirnar komu til sögunnar, hrapaði stjarna hans mjög hratt. Á sama tíma reis stjarna Peppy Miller hátt í talmyndum, en hún hafði fram að því verið aukaleikari í mörgum þöglum myndum. Þessi kvikmynd fjallar um líf þeirra beggja og hvernig þau skarast.

Aðalleikari myndarinnar, Jean Dujardin, var valinn besti leikarinn í aðalhlutverki á Kvikmyndahátíðinni í Cannes. Myndin kom, sá og sigraði á Golden Globe verðlaunahátíðinni þar sem hún hlaut þrenn aðalverðlaun; besta myndin, besti leikarinn og besta tónlistin.