midi.is

Sérsveitin (Elite Squad)
Hér er á ferðinni kyngimögnuð pólítísk hasar-dramamynd frá Brasilíu, um sjálfstæða sérsveit innan lögreglunnar, sem hefur það hlutverk að berjast með öllum tiltækum ráðum gegn eiturlyfjabarónunum í fátækrahverfum Rio De Janeiro. Myndin hefur slegið öll aðsóknarmet í heimalandi sínu og valdið gríðarlega miklu umtali. Fyrir utan sýningar í Brasilíu og Berlín hefur myndin ekki ennþá verið frumsýnd í öðrum löndum, en búist er við því að hún fari mikla sigurgöngu um allan heim á næstu misserum. Það er því mikill heiður fyrir Bíódaga Græna ljóssins að frumsýna myndina á undan flestum öðrum hátíðum og löndum heims.

Leikstjóri: José Pahilha
Handrit: Bráulio Mantovani, Rodrigo Pimental og José Padilha.
Aðalhlutverk: Wagner Moura, Caio Junqueira og André Ramiro

Athugið að myndin er sýnd með enskum texta