midi.is

Sadly this information does not exist in your language.

Söngfuglar eru tónleikaröð sem Jana María hefur staðið fyrir í Samkomuhúsi Leikfélagsins á Akureyri. Tónleikarnir byggjast á íslenskum dægurlagasöngkonum og starfi þeirra tengt tónlistinni. Söngfuglarnir sem fjallað hefur verið um eru Helena Eyjólfsdóttir, Ingibjörg Þorbergs og Ellý Vilhjálms en nú taka söngfuglarnir stefnuna suður á bóginn og halda þrenna tónleika um og eftir helgina. Notaleg stemning verður í fyrirrúmi en gestum er boðið í "betri stofunni" þar sem Jana María syngur og segir frá við undirleik Valmars Valjaots - Ilmandi kaffi, sitthvað sætt undir tönn og ljúfir tónar er fullkomin uppskrift að góðu kvöldi.

Tónleikarnir verða sem hér segir:

Norræna húsið sunnudaginn 16. maí nk kl.16
Listasafn Mosfellsbæjar mánudagskvöldið 17. maí kl. 20
Kaffitár, Innri-Njarðvík þriðjudagskvöldið 18. maí kl. 20.

Miðasala er á midi.is og við innganginn á tónleikakvöldum, miðaverð 1500kr.