midi.is

Sadly this information does not exist in your language.

Stórtónleikar: Kristján Jóhannsson og Söngvinir

Kristján Jóhannsson hélt eftirminnanlega tónleika í Háskólabíó á síðasta ári í tilefni 30 ára söngafmælis síns. Núna heldur Kristján ásamt Hljómsveit Hjörleifs Valssonar og Söngvinum útá land og syngur meðal annars í Keflavík, Akureyri, Ísafirði og á  Húsavík.

Það er of langt mál að telja upp afrek Kristjáns í óperu- og tónlistarhúsum um víða veröld, sigrar hans og viðtökur gagnrýnenda hafa yfirleitt verið á eina lund, hvort heldur sem er í Metropolitan óperunni, á Scala í Covent Garden eða í Carnegie Hall. En nú er Kristján Jóhannsson kominn aftur heim og mun dvelja hér næstu tvö árin. Á þeim tíma munu margir njóta starfskrafta hans, en Kristján kennir um þessar mundir í söngskóla Sigurðar Demetz og hefur haldið masterclassa í Söngskólanum í Reykjavík fyrir næstu kynslóð söngvara. Kristján á þá ósk heitasta að koma fleiri Íslendingum á framfæri og sjá þá ná árangri á alþjóðlegum vettvangi óperuheimsins.

Tónleikarnir verða sem hér segir:

27. mars, kl 17.00 - Hljómahöll, Keflavík

3. apríl, kl 17.00 - KA Höllin, Akureyri

15. maí, kl 17.00 - Íþróttahúsið Ísafirði

29. maí, kl 16.00  - Húsavíkurkirkja