midi.is

Sadly this information does not exist in your language.

Gula röðin er góður kostur fyrir þá sem vilja heyra klassíska tónlist af ýmsum toga. Hér eru vinsæl hljómsveitarverk af litríkara taginu í forgrunni, meðal annars ódauðleg ballettmúsík Prokofíevs við Rómeó og Júlíu og litrík ævintýratónlist við Sheherazade eftir Rimskíj-Korsakoff, sem byggir á ævintýrum úr Þúsund og einni nótt.

Þá verður flutt tónaljóð Richards Strauss um ofurmennið Zaraþústra, sem flestir þekkja úr kvikmyndinni 2001: A Space Odyssey.

Meðal einleikara í Gulu röðinni eru fjórir íslenskir tónlistarmenn í fremstu röð, þeirra á meðal hinn ástsæli Víkingur Heiðar sem leikur á upphafstónleikum starfsársins.