midi.is

Sadly this information does not exist in your language.

Vorkvöld í Reykjavík
Ragnar Bjarnason, ásamt gestum og hljómsveit  með tónleika 12. maí 2012

Einn vinsælasti dægurlagasöngvari frá upphafi Íslandsbyggðar, sjálfur Ragnar Bjarnason, mun halda vortónleika í Eldborgarsal Hörpunnar þann 12. maí næstkomandi. Raggi kemur þar fram ásamt Eivöru Pálsdóttur, Guðrúnu Gunnarsdóttur, Sigrúnu Hjálmtýrsdóttur (Diddú), Birni Jörundi Friðbjörnssyni, Bjarna Arasyni, Álftagerðisbræðrum og Óskari Péturssyni ásamt hljómsveit undir stjórn Jóns Ólafssonar.

Íslensk dægurtónlist og Raggi Bjarna eru bundinn órjúfanlegum böndum og er hann einn fárra sem hefur hljóðritað lög á stálvír sem var notaður í upphafi hans ferils til stafrænu tækninnar sem nú er notuð og allt þar á milli. Hann hefur hljóðritað hundruðir laga sem mörg hver hafa orðið mjög vinsæl og fest rætur í hugum og hjörtum landsmanna.