midi.is

Allt sem þið vitið ekki um konurnar í lífi ykkar!

Eftir 50 uppseldar sýningar á Akureyri eru þær mættar í Loftkastalann! Edda Björgvins, Helga Braga og Björk Jakobs eru Fúlar á móti í bráðfyndnu uppistandi í íslenskri útfærslu Gísla Rúnars Jónssonar.

Þetta er í fyrsta skipti sem þessar vinsælustu uppistandsleikkonur þjóðarinnar stíga saman á stokk. Þær skauta af sinni alkunnu snilld í gegnum síðara skeiðið og gera óspart grín að sjálfum sér og öðrum. Nú fá karlmenn loksins að vita hvers vegna eiginkonur, systur og mæður þeirra eru eins og þær eru. Þetta er einstakt tækifæri til að skyggnast inn í hugarheim Fúlla á móti. Hvað gerist þegar þessar fögru en viðsjárverðu dömur tipla saman um sviðið í Loftkastalanum? Kviknar í þeim? Bíta þær áhorfendur?

Höfundar: Jenny Eclair og Judith Holder
Leikgerð og íslenskun: Gísli Rúnar Jónsson
Leikstjórn: María Sigurðardóttir
Búningahönnun: Rannveig Eva Karlsdóttir
Ljósahönnun: Jón Þorgeir Kristjánsson
Hreyfingar og dans: Sigyn Blöndal
Leikmyndahönnun: Þórarinn Blöndal
Hljóðhönnun: Gunnar Sigurbjörnsson

Sýningin þann 28. ágúst er styrktarsýning fyrir Eddu Heiðrúnu Backman