midi.is

Herra Pottur og ungfrú Lok
Gáskafull og glettin leikhús- og tónlistarveisla fyrir alla fjölskylduna

Tónævintýrið um herra Pott og ungfrú Lok er draumur lítils drengs um að áhöldin í eldhúsinu lifni við. Ástir herra Potts og ungfrú Loks fara nánast út um þúfur vegna afbrýðisemi daðurdrósarinnar Kvarnar. Pörupilturinn Klútur og hinn reglufasti herra Sópur dragast inn í atburðarás sem erfitt er að sjá fyrir endann á. Tónlistin segir sögu djass, tangó, charleston og foxtrott við undirleik sex hljóðfæraleikara sem spila á klarinett, fagott, trompet, fiðlu, selló og píanó. Tónlistin er eftir Bohuslav Martinu og sagan eftir Christophe Garda. Leikstjóri er Ágústa Skúladóttir. Sýningin er á íslensku, en einnig verður ein sýning á frönsku.  Að sýningunni standa, Þjóðleikhúsið, Franska sendiráðið, Alliance Francaise, Reykjavíkurborg, Tónlistarsjóður og Barnamenningarsjóður.