- Þú ert hér »
Rómeó og Júlía
Rómeó og Júlía - Margverðlaunuð uppfærsla Koršunovas kemur til Íslands
Á Listahátíð í Reykjavík í vor býðst einstakt tækifæri til að sjá rómuðustu ástarsögu allra tíma, Rómeó og Júlíu eftir William Shakespeare í stórbrotinni uppfærslu litháíska leikstjórans Oskaras Koršunovas. Þessi uppsetning hefur ferðast um allan heim og hlotið fjölda verðlauna.
Oskaras Koršunovas stýrir Borgarleikhúsi Vilnius og er einn fremsti leikstjóri Evrópu í dag. Koršunovas lætur verkið gerast meðal bakara og berjast ættirnar tvær ekki bara um völdin í Verónaborg heldur líka um það hver bakar besta brauðið og sætustu kökurnar. Mikill kraftur, húmor og magnað sjónarspil einkennir sýninguna. Sannkallaður hvalreki fyrir leikhúsáhugafólk. Samstarfsverkefni Borgarleikhússins og Listahátíðar í Reykjavík.
Höfundur William Shakespeare
Leikstjóri Oskaras Koršunovas
Leikmynd Jurate Paulekaite
Búningar Jolanta Rimkute
Tónlist Antanas Jasenka
Lýsing Eugenijus Sabaliauskas
Dagsetningar
| Dags. | Kl. | Leikrit | Staðsetning | Umsjón | Verð |
|---|---|---|---|---|---|
| 14.05.10 - Föstudagur | 20:00 | Rómeó og Júlía - Frumsýning (Oskaras) | Stóra Sviðið B | Borgarleikhúsið | 4.500 kr. |
| 15.05.10 - Laugardagur | 20:00 | Rómeó og Júlía - 2. kortasýning (Oskaras) | Stóra Sviðið B | Borgarleikhúsið | 3.950 kr. |
