Miði.is

Requiem eftir Verdi - í tilefni 200 ára afmælisárs Verdis

Fri, 24 May 2013 22:04:57 GMT

Requiem eftir Verdi
í tilefni 200 ára afmælisárs Verdis

Óperukórinn í Reykjavík ásamt sinfóníuhljómsveit

Einsöngvarar:
Þóra Einarsdóttir sópran
Sesselja Kristjánsdóttir mezzó-sópran
Gissur Páll Gissurarson tenór
Viðar Gunnarsson bassi

Stjórnandi: Garðar Cortes

Pálmi Gunnarsson - Þorparinn -

Fri, 24 May 2013 15:29:17 GMT

Routeopia Ævintýraleg ökuferð í flygilrútu - Listahátíð í Reykjavík

Thu, 23 May 2013 12:47:52 GMT

Píanóleikarinn Davíð Þór Jónsson Vatnssígaunachillharmoníuskegghala- kóngur og myndlistarkonan Ilmur Stefánsdóttir Eldegyptatréömmu- geislaindjánahöfðingi fara með ykkur í ævintýralega ökuferð í flygilrútu.

Áhorfendur ferðast ,,hringinn" um nágrenni Reykjavíkur með Davíð á flyglinum og Ilmi undir stýri, staldra við náttúruperlur og leyfa töfrum tónanna að streyma um sig í akstri sem í staldri. Hljómleikurinn verður af öllu tagi, allt frá klassískri píanótónlist til sígaunasöngls. Upplifið ógleymanlega draumaferð í tónum og rennireið.

Lagt verður af stað frá Hörpu. Ferðin tekur um eina klukkustund.

IsNord tónlistarhátíð - Á uppleið

Wed, 22 May 2013 15:52:16 GMT

IsNord tónlistarhátíðin verður haldin dagana 13. -16. júní. Dagskráin verður fjölbreytt þannig að allir ættu að finna eitthvað við sitt hæfi og eru borgfirskir tónlistarmenn í aðalhlutverki. Er þetta í níunda sinn sem hátíðin er haldin og verða fimm tónleikar að þessu sinni.

Fimmtudaginn 13. júní verða tónleikar í Hjálmakletti kl. 20.30 með hljómsveitinni Waveland en hana skipa Birgir Þórisson, Björn Breiðfjörð Gíslason, Erna Jóhannesdóttir, Ingi Björn Róbertsson, Margrét G. Thoroddsen og Viðar Engilbertsson og Quintet Heimis Klemenzsonar en hana skipa Heimir Klemenzson, Jakob G. Sigurðsson, Páll S. Eydal, Rakel Pálsdóttir og Þórður H. Guðjónsson.

Föstudaginn 14. júní verða tónleikar í Reykholtskirkju kl. 20.30 þar sem Margrét Brynjarsdóttir kontraaltsöngkona kemur fram ásamt Jónínu Ernu Arnardóttur píanóleikara. Margrét er að útskrifast í vor með meistaragráðu í söng frá Tónlistarháskólanum í Osló og hefur meðal annars sungið með norska einsöngvarakórnum og komið fram með Royal Liverpool Philharmonic Orchestra í Betlaraóperu B. Brittens.

IsNord tónlistarhátíð - Waveland

Wed, 22 May 2013 15:51:19 GMT

Keflavík Music Festival - V I P

Fri, 17 May 2013 09:44:45 GMT

Tónlistarhátíðin Keflavík Music Festival verður haldin öðru sinni dagana 5. - 9. Júní. Hátíðin sem haldin var í fyrsta skipti síðasta sumar hefur vaxið mikið og áætlað að öll umgjörð verði margfalt stærri en í fyrra.
Hátíðin fer fram á 8 stöðum í Reykjanesbæ þar á meðal í Reykjaneshöllinni, Keflavíkur kirkju og nokkrum tjöldum (500 - 2.500 manns). Hljómsveitir og aðrir listamenn sem koma fram eru jafn mismunandi og þeir eru margir. Alls koma um 120 tónlistaratriði fram á hátíðinni í ár, þar á meðal 12 erlend nöfn sem eru íslendingum vel kunnug.

Það er nokkuð ljóst að þetta verður einhver stærsti viðburður sem haldin hefur verið á landinu og mun Reykjanesbær skarta sínu fegursta 5.-9. Júní.

Það er hægt að lofa því að eitthvað fyrir alla verður á boðstólnum og munu listamenn úr öllum áttum koma fram á mörgum og skemmtilegum stöðum.

Við hlökkum til að sjá þig í Keflavík í sumar!

Erlendu atriðin sem hafa verið tilkynnt:
Tinie Tempah, Royksopp,Chase & Status, The Temper Trap, Far East Movement, Rudimental, DMX, Outlandish, Iggy Azalea, Nicky Romero, John Newman

Íslensku atriðin sem hafa verið tilkynnt:
Ásgeir Trausti, Ólafur Arnalds, Valdimar, Hjálmar, Steed Lord, Sísý Ey, Agent Fresco, Skálmöld, Sólstafir, Dikta, Bloodgroup, Sykur, Ojba Rasta, Jónas Sig og Ritvélarnar, Sóley, SIGN, Ensími .. og fleiri og fleiri

18 ára aldurstakmark.

Afhending armbanda fer fram á skrifstofu Keflavík Music Festival að Hafnargötu 36 frá og með 1. júní 2013 milli kl. 12:00 - 18:00.

Keflavík music festival 14 - 18 ÁRA

Boðið verður upp á ýmis tónleika fyrir unglina á aldrinum 14 - 18 ára á Keflavík Music Festival í ár. Miðað er við unglinga sem eru í 8. bekk núna.

Tónleikar í Reykjaneshöllinni 6. - 8. júní með:

Tinie Tempha , Far East Movement, Rudimental, Outlandish, DMX, Ásgeir Trausti, Jón Jónsson, Valdimar, Steed Lord

.. og fleiri tónlistaratriðum sem eftir á að kynna

* 3 Tónleikakvöld
* Áfengis og vímulaus skemmtun
* Tónleikar standa til kl 23:00 öll kvöld

Árstíðirnar fjórar - Hátíðartónleikar - Alþjóðlega tónlistarakademían í Hörpu

Thu, 16 May 2013 14:27:48 GMT

Árstíðirnar fjórar
Hátíðartónleikar Alþjóðlegu tónlistarakademíunnar í Hörpu
17. júní kl. 16:00 í Norðurljósum

Árstíðirnar fjórar eftir ítalska tónskáldið Antonio Vivaldi er án efa þekktasta verk tónskáldsins og eitt vinsælasta verk barokktímans. Það var samið 1723 og samanstendur af fjórum einleikskonsertum fyrir fiðlu sem nefndir eru eftir árstíðunum, vetur, sumar, vor og haust. Á tónleikunum þann 17. júní munu koma fram fjórir einleikarar fyrir hvern konsert og árstíð. Kevin Zhu mun ljúka flutningi Árstíðanna fjögurra með því að leika Veturinn en hinum þremur einleikshlutverkunum verður úthlutað til valinna þátttakenda á námskeiði Alþjóðlegu tónlistarakademíunnar í Hörpu 2013 sem haldið er dagana 9. – 17. júní.

Kevin Zhu er fæddur í nóvember 2000 og er búsettur í Kaliforníu ásamt foreldrum sínum. Hann byrjaði þriggja ára að læra á fiðlu og nýtur nú styrks til tónlistarnáms við undirbúningsdeild San Francisco Conservatory of Music þar sem hann lærir hjá Li Lin. Kevin hefur unnið til margra fyrstu verðlauna í fiðlukeppnum. Þar ber hæst fyrstu verðlaun í yngri deild alþjóðlegu Menuhin fiðlukeppninnar í Beijing. Þá var hann 11 ára og varð þar með yngsti keppandinn til sigra í 29 ára sögu keppninnar. Kevin kom í fyrsta sinn fram opinberlega í London í febrúar 2013 er hann lék í Royal Festival Hall með Philharmonia Orchestra. Hann var valinn til leika í útvarpsþætti National Public Radio á síðasta ári og BBC Radio 3 á þessu ári.

Fyrir utan að leika einleik í einni af árstíðunum mun Kevin leika tvö mjög vinsæl verk fyrir fiðlu, hið fyrra eftir ítalska fiðlusnillinginn Paganini og hið síðara er hin þekkta Carmen fantasía eftir Waxman.

Hljómsveitina, Strengjasveit Hörpu, skipa þátttakendur af námskeiðinu en lögð verður höfuðáhersla á flutning Árstíðanna á námstímanum. Stjórnandi er Kurt Sassmannshaus sem mun leiða þetta fyrsta námskeið Alþjóðlegu tónlistarakademíunnar í Hörpu. Tónleikarnir í Hörpu á þjóðhátíðardaginn 17. júní munu marka lok námskeiðsins.

Kurt Sassmannshaus fiðluleikari er prófessor við Cincinnati College-Conservatory of Music (CCM) í Ohio. Hann er kannski þekktastur fyrir kennsluvef sinn http://www.violinmasterclass.com/ sem um 30 milljón gestir heimsækja á ári hverju. Hann stofnaði the Great Wall International Music Academy í Beijing árið 2005 sem er sumarnámskeið fyrir unga einleikara á strengjahljóðfæri.

Kurt er menntaður frá tónlistarháskólanum í Köln og með meistaragráðu frá Juilliard. Hann hefur kennt í nánu samstarfi við Dorothy Delay í Cincinnati og í Aspen en hann kenndi og sat í stjórn Aspen sumarskólans í Colorado í 25 ár.

Kínverski sellóleikarinn Chu Yi Bing er einn áhrifamesti sellóleikari í heiminum í dag. Sellóhópurinn hans, China Philharmonic Cellists, er samsettur af 12 framúrskarandi sellóleikurum frá Kína sem halda fjölda tónleika víðs vegar um Kína og flytja almenningi boðskap tónlistarinnar af ástríðu listamannsins.

Chu Yibing mun ljá námskeiði Alþjóðlegu tónlistarakademíunnar í Hörpu 2013 krafta sína og setja saman sellóhóp með þátttakendum námskeiðsins og leiða hópinn á tónleikunum með verkum sem hæfa getu þátttakendanna.

Sassmannshaus Piano Trio- Kennaratónleikar - Alþjóðlega tónlistarakademían í Hörpu

Thu, 16 May 2013 14:18:41 GMT

Sassmannshaus Piano Trio
Kennaratónleikar Alþjóðlegu tónlistarakademíunnar í Hörpu
10. júní kl. 20:00 í Kaldalóni

Sassmannshaus tríóið hefur vakið verðskuldaða eftirtekt á tónleikaferðum sínum um Bandaríkin, Evrópu og Asíu síðan það var stofnað á árinu 2007.

Menntun er mikilvægur þáttur í starfsemi tríósins og meðlimirnir leggja áherslu á að mennta, styðja við og vekja athygli á ungum listamönnum þar sem þau koma fram. Meðlimir Sassmannshaus tríósins eru meðal kennara í hinu eftirsótta Starling prógrammi fyrir unga tónlistarnema með framúrskarandi hæfileika við University of Cincinnati College-Conservatory of Music og eru staðarkammerhópur hjá Great Wall International Music Academy í Beijing.

Kurt Sassmannshaus fiðluleikari er prófessor við Cincinnati College-Conservatory of Music (CCM) í Ohio. Hann er kannski þekktastur fyrir vef sinn www.violinmasterclass.com sem um 30 milljón gestir heimsækja á ári hverju. Hann stofnaði the Great Wall International Music Academy í Beijing árið 2005 sem er sumarnámskeið fyrir unga einleikara á strengjahljóðfæri. Kurt er menntaður frá tónlistarháskólanum í Köln og með meistaragráðu frá Julliard. Hann hefur kennt í nánu samstarfi við Dorothy Delay í Cincinnati og í Aspen en hann kenndi og sat í stjórn Aspen sumarskólans í Colorado í 25 ár.

Haeri Suh hefur unnið til verðlauna í ýmsum píanókeppnum, meðal annars Sam-Ik píanókeppninni og Heimspíanókeppninni (World Piano Competition). Haeri Suh hefur nýlega leikið píanókonsert eftir Mozart K. 537 með Ewha Philharmonic Orchestra í Seoul, Kóreu, píanókonsert í g-moll eftir Mendelssohn með CCM Philharmonia Orchestra í Cincinnati, auk þess sem hún hefur komið fram á tónlistarhátíðinni í Schleswig-Holstein, Fontazione Academia di Musica Italiana, og með American String Quartet. Haeri Suh lauk bachelor gráðu við Ewha University í Seoul þar sem hún lærði hjá Wonmi Kim og Yunbo Chung. Hún lauk Artist Diploma 2009 og síðan doktorsgráðu með James Tocco við Cincinnati College-Conservatory of Music.

Christoph Sassmannshaus sellóleikari hefur þrátt fyrir ungan aldur komið fram víða um heim, meðal annars í Kína, Ítalíu, Kanada, Þýskalandi, Austurríki, Kóreu og Rússlandi. Hann hefur leikið sellókonserta eftir Dvorak og Saint-Saëns með útvarpshljómsveitinni í Beijing í tónleikasal Forboðnu borgarinnar. Christoph Sassmannshaus lærði viðCincinnati College-Conservatory of Music hjá Dr. William Grubb og Alan Rafferty. Þrettán ára lék hann í Carnegie Hall við frábærar undirtektir og árið 2006 var hann í kastljósinu í útvarpsþætti National Public Radio, “From the Top”. Christoph Sassmannshaus er stofnfélagi Sassmannshaus píanótríósins og Marco Polo strengjakvartettsins. Hann gaf einnig út fáein verk fyrir selló og píanó hjá Bärenreiter útgáfunni í ágúst 2011 og bættist þar með við í röð höfunda í Sassmannshaus fjölskyldunni.

Masterklass með Bryndísi Höllu Gylfadóttir - Alþjóðlega tónlistarakademían í Hörpu

Thu, 16 May 2013 14:12:04 GMT

Alþjóðlega tónlistarakademían í Hörpu
Harpa International Music Academy

Masterklass með Bryndísi Höllu Gylfadóttur
10. júní kl. 16:30 í Kaldalóni

Bryndís Halla Gylfadóttir, leiðari á selló við Sinfóníuhljómsveit Íslands, leiðbeinir þátttakendum Alþjóðlegu tónlistarakademíunnar í Hörpu í masterklass. Haeri Suh og Richard Simm leika með nemendum á píanó.

Bryndís Halla Gylfadóttir sellóleikari; lauk einleikaraprófi frá Tónlistarskólanum í Reykjavík árið 1984.Hún stundaði framhaldsnám við New England Conservatory of Music í Boston, USA og nam þar hjá Colin Carr og Laurence Lesser. Þaðan lauk hún meistaragráðu árið 1989 og tók við stöðu leiðandi sellóleikara við Sinfóníuhljómsveit Íslands sem hún gegnir enn.
Bryndís Halla vann fyrstu verðlaun í tónlistarkeppni útvarpsins “Tónvakanum” árið 1992 og árið 1993 voru henni úthlutuð listamannalaun frá íslenska ríkinu til þriggja ára.

Hún hefur komið víða fram á tónleikum í Evrópu, Japan og Norður-Ameríku, bæði sem einleikari og flytjandi kammertónlistar. Bryndís er einn af stofnendum “Trio Nordica” Hún hefur leikið inn á margar geislaplötur, þar á meðal einleiksverk fyrir selló eftir íslensk tónskáld.

Bryndís Halla hefur oft leikið einleik ásamt Sinfóníuhljómsveit Íslands þ.á.m. konserta eftir Dvorák, Shostakovich, Elgar og Haydn. Tónskáld hafa samið verk tileinkuð henni og hefur hún frumflutt fjölda nýrra verka eftir tónskáld frá ýmsum löndum.

Árið 1994 kom út fyrsta geislaplata hennar ásamt Steinunni Birnu Ragnarsdóttur. Árið 1998 hlaut plata þeirra “Ljóð án orða” Íslensku tónlistarverðlaunin í flokki bestu klassísku plötunnar. Árið 2006 var hún valin flytjandi ársins í flokki sígildra flytjenda Íslensku tónlistarverðlaunanna og plata hennar hlaut einnig verðlaun sem besta sígilda plata ársins.
Bryndís Halla kemur fram á fjölda tónleika árlega hérlendis og erlendis og hefur hlotið margar viðurkenningar fyrir frábæran leik sinn og túlkun.

Masterklass með Ole Böhn - Alþjóðlega tónlistarakademían í Hörpu

Thu, 16 May 2013 14:07:14 GMT

Alþjóðlega tónlistarakademían í Hörpu
Harpa International Music Academy

Masterklass með Ole Böhn
10. júní kl. 14:00 í Kaldalóni

Ole Böhn, konsertmeistari Norsku þjóðaróperunnar og aðstoðarprófessor við Sydney Conservatory of Music, leiðbeinir þátttakendum Alþjóðlegu tónlistarakademíunnar í Hörpu í masterklass. Haeri Suh og Richard Simm leika með nemendum á píanó.

Tónn til framtíðar- Opnunartónleikar - Alþjóðlega tónlistarakademían í Hörpu

Thu, 16 May 2013 13:56:35 GMT

Tónn til framtíðar
Opnunartónleikar Alþjóðlegu tónlistarakademíunnar í Hörpu
9. júní kl. 16:00 í Norðurljósum

Tónleikarnir marka upphaf Alþjóðlegu tónlistarakademíunnar í Hörpu, tónlistarnámskeiðs fyrir unga strengjahljóðfæraleika, sem hlotið hefur styrk frá Ýli – tónlistarsjóði Hörpu fyrir ungt fólk, Reykjavíkurborg og úr Tónlistarsjóði.

Á tónleikunum koma fram ungir fiðluleikarar, íslenskir og erlendir, sem náð hafa að skara fram úr á tónlistarsviðinu og unnið til verðlauna. Þetta eru þær Christina Nam og Yabing Tan, ásamt Evu Þórarinsdóttur sem leikur seinni hluta tónleikanna með Richard Simm á píanó. Á efnisskránni eru mörg af ýmis þekkt og vinsæl verk fyrir fiðlu. Aðrir meðleikarar á tónleikunum eru Christoph Sassmannshaus á selló og Haeri Suh á píanó.

Þessir ungu einleikarar eru komnir hingað til lands að taka þátt í fyrsta námskeiði Alþjóðlegu tónlistarakademíunnar í Hörpu 2013, til miðla af reynslu sinni og vera öðrum þátttakendum hvatning til dáða.

Eva Guðný Þórarinsdóttir fékk inngöngu í hinn virta Yehudi Menuhin tónlistarskóla aðeins tólf ára gömul og fluttist þá með foreldrum sínum til London. Hún hóf fiðlunám hér heima ung að aldri hjá Lilju Hjaltadóttur, Lin Wei og Guðnýju Guðmundsdóttur. Á námsárum sínum í London lærði hún í sex ár hjá Maciej Rakowski og kom víða fram sem einleikari í Evrópu með alþjóðlegum hljómsveitum. Þá hélt hún til Manchester í framhaldsnám þar sem hún lauk International Artist Diploma við Royal Northern College of Music og vann til fjölda verðlauna fyrir leik sinn. Þar ber helst að nefna verðlaun í alþjóðlegu fiðlukeppninni í Manchester og í júní á síðasta ári hlaut hún bæði 3. verðlaun og áhorfendaverðlaunin í Carl Nielsen fiðlukeppninni í Danmörku.

Hin unga Christina Nam er Starling styrkþegi í námi hjá Kurt Sassmannshaus og hefur þegar unnið til nokkurra verðlauna. Hún debúteraði með Cincinnati Symphony Orchestra í vetur og var valin til að koma fram á opnunartónleikum á ráðstefnu Félags bandarískra strengjakennara.

Yabing Tan lærði fyrst hjá hinum þekkta fiðlukennara Lin Yao Ji í Beijing en lauk námi hjá Kurt Sassmansshaus í Cincinnati, einnig sem Starling styrkþegi. Hún starfar nú sem kennari hjá Starling Pre College og er aðstoðarkennari Kurt Sassmannshaus. Hún hefur komið fram sem einleikari með hljómsveitum í Bandaríkjunum og Beijing, og var í úrslitum fyrir China International Violin Competition í Qingdao 2011.

Akademíupassi - Alþjóðlega tónlistarakademían í Hörpu

Thu, 16 May 2013 13:52:38 GMT

Alþjóðlega tónlistarakademían í Hörpu
Harpa International Music Academy

Alþjóðlega tónlistarakademían í Hörpu 9.- 17. júní 2013

Alþjóðlega tónlistarakademían í Hörpu 2013 er alþjóðlegt námskeið fyrir nemendur á fiðlu, víólu og selló á framhaldsstigi.
Á námskeiðið í júní verða kennarar frá Cincinnati College-Conservatory of Music, Arizona State University, Beijing Central Conservatory of Music, Sydney Conservatory of Music, Listaháskóla Íslands og Tónlistarskólanum í Reykjavík.

Aðalkennari og stjórnandi Strengjasveitar Hörpu verður Kurt Sassmannshaus fiðluleikari en hann er stofnandi Great Wall International Music Academy í Beijing. Hann hefur víðtæka af reynslu af kennslu og uppbyggingu sumarnámskeiða en hann kenndi og sat í stjórn Aspen sumarskólans í Colorado í 25 ár.

Sellókennslan verður leidd af Yi Bing Chu sem er einn áhrifamesti sellóleikari í heiminum í dag. Hann er þekktur fyrir að byggja upp sellókóra sem aðferð við kennslu og við að kynna almenningi töfra tónlistarinnar.

Ungir einleikarar og vinningshafar alþjóðlegra verðlauna, innlendir og erlendir, ljá námskeiðinu krafta sína með því að leika á tónleikum, miðla af reynslu sinni og vera öðrum þátttakendum hvatning til dáða

Námskeiðið felst í einkatímum, meðleikstímum, samleikstímum, masterklössum og strengjasveit auk þjálfunar í sviðsframkomu. Opin rými Hörpu verða nýtt fyrir nemendur til að koma fram auk skipulagðs tónleikahalds. Námskeiðið mun að miklu leyti fara fram í Hörpu, en einnig verður samvinna við Listaháskóla Íslands og Tónlistarskólann í Reykjavík varðandi kennsluaðstöðu.

Sin Fang - Útgáfutónleikar

Thu, 16 May 2013 12:28:53 GMT

Hljómsveitin Sin Fang gaf nýverið út plötuna Flowers, við góðar undirtektir tónlistarunnenda og gagnrýnenda. og mun halda útgáfutónleika þann 12. júní til að fagna því.

Tónleikarnir munu fara fram í Iðnó og hefjast kl. 21. Um upphitun sér hljómsveitin Vök, sem nýverið sigraði músíktilraunir.

Miðasala hefst föstudaginn 17. maí á www.midi.is og er miðaverð aðeins 2.000 kr.

Frank Ocean - Stæði / Standing

Thu, 16 May 2013 10:04:05 GMT

Frank Ocean í Höllinni þann 16. júlí
Einn heitasti listamaður heims á leið til Íslands.

Þetta 26 ára gamla tónlistarséní frá New Orleans hóf ferilinn sem lagahöfundur fyrir stórstjörnur á borð við Beyoncé Knowles, Brandy, Justin Bieber og John Legend. Í fyrra kom út hans fyrsta sólóplata, Channel Orange, og hefur hún slegið allsvakalega í gegn um allan heim.

Frank og platan hans hafa hlotið fjölda verðlauna nú þegar; t.d. hlaut hann tvenn Grammy verðlaun, Brit verðlaun sem besti alþjóðlegi karlkyns listamaðurinn og Q verðlaun sem bjartasta vonin.

Um síðustu áramót toppaði Channel Orange svo margra árslista fjölmiðla og gagnrýnenda um allan heim, að annað eins hefur varla sést. Það er bókstaflega erfitt að finna aðra plötu síðustu áratugi, sem hefur jafnvíða verið valin besta plata ársins. Meðal þeirra tímarita sem völdu Channel Orange bestu plötu ársins eru til að mynda; Fréttablaðið, Spin, Mojo, The New York Times, Time og Washington Post.

Á vefsíðunni Metacritic, sem tekur saman einkunnir allra helstu gagnrýnenda heims, var Channel Orange með langhæsta meðaltalið fyrir síðasta ár. Til marks um þá stöðu sem Frank Ocean hefur skapað sér þá er hann að finna á lista Time í ár yfir 100 áhrifaríkustu einstaklinga heims.

Í stuttu máli; Frank Ocean er einn eftirsóttasti listamaður heims þessa dagana og það er því ótrúlegur hvalreki fyrir Íslendinga að fá að upplifa þennan mikla snilling á tónleikum hér á landi. Sjaldan eða aldrei hefur tekist að fá listamann til landsins á þeim tímapunkti sem nú er hjá Frank Ocean. Hann er heitastur í heimi, það vilja hann allir og þeir staðir sem hann fer á eru vandlega valdir af umboðsmanni hans og útgáfufyrirtæki. Í þessu samhengi er gaman að geta þess að hann kemur til Íslands rakleiðis frá London, þar sem hann kemur fram á tónlistarhátíð ásamt engum öðrum en Justin Timberlake.

Miðasala hefst 29. maí
Miðasalan á tónleikana hefst miðvikudaginn 29. maí kl. 10 hér á Miði.is. Í heildina eru 5.000 miðar í boði, en það skal tekið fram að aðeins um 1 þúsund sæti eru í boði (og eru þau öll númeruð). Það skal einnig skýrt tekið fram hér og nú að enginn möguleiki er á því að halda aukatónleika; fyrstur kemur, fyrstur fær.

Póstlistaforsala Senu fer fram þriðjudaginn 28. maí kl. 10. Skráðu þig á viðburðapóstlista Senu á www.sena.is og þú færð sendan póst þá sem gerir þér kleift að tryggja þér miða degi áður en almenn sala hefst. Athugið að takmarkað magn miða verður í boði í póstlistaforsölunni.

Frank Ocean - Stúka / Seating

Thu, 16 May 2013 10:02:58 GMT

Frank Ocean í Höllinni þann 16. júlí
Einn heitasti listamaður heims á leið til Íslands.

Karlakórinn Stefnir - Vortónleikar

Wed, 15 May 2013 09:11:34 GMT

Karlakórinn Stefnir heldur vortónleika sína í Víðistaðakirkju 23. Mai kl. 20:00 og Langholtskirkju 26. maí kl 16:00

Einsöngvarar með kórnum verða Jógvan Hansen og Kristín R. Sigurðardóttir , stjórnandi Julian Michael Hewett, meðleikari á píanó Guðríður S. Sigurðardóttir.

Á efnisskránni eru íslensk og erlend lög, þjóðlög, söngleikja og óperulög. Íslensk lög eins og „Úr útsæ rísa Íslandsfjöll“ og „Litla flugan“ og Draumalandið í nýjum útsetningum. Ítölsk lög eins og „O sole mio“ og „Con te Partiró“ (Bæn mín eina er). Söngleikjalög eftir Gershwin, „Oh Lawd I´m on my way“ og Andrew Lloyd Webber, „All I ask of you“ og bandarískar söngperlur eins og „This is my song“, „Make them hear you“ og „New York, New York“. Auk alls þessa verða flutt þekkt lög úr óperum eftir Verdi, Wagner ofl.

Missið ekki af fjölbreyttum og frábærum tónleikum.

Kórinn mun svo halda tónleika á Akureyri og Þórshöfn í Færeyjum í júní.

MEZZOFORTE - 30 ára afmæli Garden party -

Mon, 13 May 2013 14:48:12 GMT

Tónleikarnir í Silfurbergi þann 6. júní nk. kl 20.00 eru haldnir í tilefni af 30 ára afmæli plötunnar Garden Party.

Hljómsveitin kom fyrst fram í Hörpu í september 2011 og hélt þá eftirminnilega tónleika í Eldborg. Nú gefst frábært tækifæri til að heyra hljómsveitina á heimavelli spila mörg af sínum þekktustu lögum.

“Hver sá sem hefur tækifæri til að heyra þessa frábæru tónlistarmenn á sviði mun upplifa hvaða kyngimagnaða krafti þeir búa yfir”.(BHM productions)

Velgengni þeirra kom öllum á óvart á sínum tíma. Árið 1983, þegar lagið Garden Party varð fljótt viðsælt víða um heim, höfðu hinir fjóru ungu menn frá Íslandi nýverið náð fullorðinsaldri. Síðan þá hefur hljómsveitin MEZZOFORTE verið virtasta “fusion” hljómsveit Evrópu. Árið 2012 hélt hljómsveitin upp á 35 ára afmæli sitt og er enn á fullu að gera það gott erlendis. Nýja platan þeirra ISLANDS dregur upp þroskaferli hljómsveitarinnar og tónlistarferðalag í gegnum árin og er enn ein viðbótin í plötusafn þeirra.

Dimma - Tónleikar

Mon, 13 May 2013 09:07:00 GMT

Dimma er á mikill siglingu um þessar mundir eftir útgáfu plötunnar “Myrkraverk” sem kom út í lok síðasta árs. Sveitin hélt nýverið glæsilega útgáfutónleika fyrir troðfullu húsi í Hörpu og fór platan þeirra í 3. sæti á Tónlistanum, lista yfir mest seldu plötur á landinu, sem er fáheyrður árangur hjá þungarokksveit. Platan hefur hlotið einróma lof gagnrýnenda og fékk m.a. 9.5/10 í einkunn hjá Andreu Jóns eftir að hafa verið plata vikunnar á Rás 2. Á þessum tónleikum í Austurbæ mun DIMMA flytja Myrkraverk í heild sinni ásamt völdu eldra efni en bandið er á leið inn í mikið tónleikasumar þar sem sveitin mun koma fram út um allt land.

Dimma eru:
Stefán Jakobsson – Söngur
Birgir Jónsson – Trommu
Ingó Geirdal – Gítar
Silli Geirdal - Bassi

18 ára aldurstakmark.

Þór Breiðfjörð - Tónleikar

Mon, 13 May 2013 08:59:34 GMT

Þór Breiðfjörð sneri aftur til Íslands með hvelli eftir farsælan feril erlendis á annan áratug. Ríflega tíundi hver íslendingur sá hann á sviði sem Jean Valjean í söngleiknum Vesalingunum og margir karlmenn eru enn fúlir yfir að hann grætti þá fyrir framan eiginkonurnar í lokaatriðinu. Þór var kjörinn söngvari ársins á Grímunni 2012 og á eftir fylgdu hverjir stórtónleikarnir á fætur öðrum. Hann vermdi Eldborgarsal Hörpu í sérstakri tónleikauppfærslu af Vesalingunum, söng með Frostrósum fyrir jólin og Vestmannaeyjalögin í „Yndislega eyjan mín“ í Hörpu en ný útgáfa af lagi Gylfa Ægissonar „Minning um mann“, í flutningi Þórs, Stefáns Hilmarssonar, Eyþórs Inga og Magna, var margar vikur á vinsældalista Rásar 2. Glögg eyru tóku eftir að hann söng Glenn Miller í Eldborg síðastliðið sumar en landsmenn fengu síðan að heyra þá tónleika í fullri lengd í útvarpinu á gamlárskvöld.

Nú gefst Íslendingum tækfæri til að setjast niður með söngvaranum í nálægð, heyra bestu lögin úr mörgu því sem hann hefur tekið sér fyrir hendur og heyra sögur af ferli sem enginn hefði getað ímyndað sér með þennan dreng utan af landi sem gekk með draum um að syngja úti í hinum stóra heimi.

Rödd Þórs hefur ótrúlega breidd, mátt og tilfinningu og lætur engan ósnortinn. Þór er fyrst og fremst sviðsmaður og nýtur þess að spjalla við áhorfendur og deila lögum sem hann hefur dálæti á.

Með Þór á sviðinu verður píanóleikarinn og útsetjarinn landskunni, Kjartan Valdemarsson.

18 ára aldurstakmark.

Rage Against the Machine - Heiðurstónleikar

Mon, 13 May 2013 08:56:02 GMT

RATM heiðurstónleikar

Rage Against The Machine er heiðruð fyrir þrotlausa baráttu í þágu mannréttinda sem hún kýs að koma á framfæri í formi rokktónlistar. 20 ár eru liðin síðan fyrsta plata sveitarinnar kom á markað og setti hún mark sitt á rokksöguna með pólitísku rappi / rokki á eftirminnilegan máta. Því ber að fagna með tvennum tónleikum, annarsvegar á Gamla Gauknum í Reykjavík og hinsvegar á Græna Hattinum, Akureyri.

Þessir heiðurstónleikar voru frumfluttir 18. janúar síðastliðinn við mikinn fögnuð viðstaddra. Hér er á ferðinni annar séns til að hafa gaman að og vera með. Flutt verða lög af farsælum ferli Rage Against The Machine.

Tökulagasveit kvöldsins:

Egill "Tiny" Thorarensen - Rapp / Söngur (Quarashi)
Franz Gunnarsson - Gítar (Ensími / Dr. Spock)
Arnar Gíslason - Trommur (Ensími / Dr. Spock)
Guðni Finnsson - Bassi / Bakrödd (Ensími / Dr. Spock)

18 ára aldurstakmark.

Chic og Nile Rodgers - Stæði / Standing

Mon, 13 May 2013 08:53:49 GMT

Chic featuring Nile Rodgers með tónleika á Íslandi

Hjómsveitin Chic undir styrkri handleiðslu stofnandans Nile Rodgers mun koma fram á tónleikum í Laugardalshöll þann 17. júlí næstkomandi.

Á tónleikunum mun Chic leika öll vinsælustu lög sín, lög eins og Le freak, I want your love og Everybody dance auk fjölda laga sem urðu þekkt í flutningi annarra listamanna frá því tímabili sem kennt hefur verið við diskó. Má þar nefna lög Diönu Ross Upside Down og I'm coming out og öll þekktustu lög Sister Sledge eins og He´s the greatest dancer, We are Family og Thinking of you.

Nile Rodgers hefur heldur betur skotið upp á stjörnuhimininn aftur og hefur eignast marga nýja aðdáendur af yngri kynslóðum eftir að hafa sett nýjan tón í hljómsveitina Daft Punk með nýjasta lagi þeirri Get lucky sem fór beint á toppinn á vinsældalistum um allan heim.

Með því bættust Daft Punk í hóp þekktra listamanna sem hafa leitað í smiðju Nile Rodgers til að finna hinn eina sanna funky tón og tengja tónlist sína við lífsgleði og dans. Má þar nefna listamenn eins og David Bowie, Madonnu, U2 og Duran Duran.

Tónleikarnir þann 17. júlí verður sannkölluð gleðisamkoma og til að gera kvöldið enn veglegra ætla tvær af efnilegustu hljómsveitum Íslands að baða út vængjum á undan meisturunum í Chic. Hljómsveitirnar Moses Hightower og Sisi Ey munu opna kvöldið.

Chic og Nile Rodgers - Stúka / Seating

Mon, 13 May 2013 08:52:58 GMT

Chic featuring Nile Rodgers með tónleika á Íslandi

Hjómsveitin Chic undir styrkri handleiðslu stofnandans Nile Rodgers mun koma fram á tónleikum í Laugardalshöll þann 17. júlí næstkomandi.

Vinir vors og blóma - Tónleikar

Wed, 08 May 2013 16:06:36 GMT

Frumraun Vina Vors & blóma í leikhúsi

“Gott í kroppinn” 20 ára sögutónleikar – Ferðalag aftur í tímann þegar X-kynslóðin (1961-1981) réði ríkjum á Gauknum og Astro... Hlöllabátur þótti hollur og KóKó í Kringlunni var búðin.

Hljómsveitin Vinir Vors & blóma var stofnuð 6. febrúar 1993 og var sönn íslensk sveitaballahljómsveit. Hópur glaðlegra pilta sem höfðu það yfirlýsta markmið, að ef þeim ætti ekki gaman… þá þætti öðrum ekki gaman.

Vinir Vors & blóma voru sumarband, sveitaböll um koppa og grundir og bjart allan sólarhringinn. Hljómsveitin starfaði í upphaflegri mynd frá árinu 1993 til 1996 og gaf út þrjár plötur… allar komu þær út í júní. Því kom ekki annað til greina en að 20 ára sögutónleikar yrðu haldnir í júní 2013. Það var svo í ágúst 2004 sem sveitin kom saman fyrir tvö sveitaböll og þá átti Þorsteinn G. Ólafsson upphaflegur söngvari VV&b ekki heimangengt svo “Leðurbarki Íslands", Bergsveinn Arilíusson var fenginn til að hlaupa í skarðið og hefur troðið upp með VV&b á tillidögum allar götur síðan. Björn Jörundur Friðbjörnsson sagði við það tilefni “Ekki ætla ég að missa af því hvernig Leðurbarkinn leysir Debetkorta-tenórinn af hólmi” fleyg orð.

Tónleikarnir á Litla Sviðinu 6. júní verða í raun og veru gott partý á leiksviði. Þar verða viðhöfð einkunarorð Vina Vors & blóma “ef okkur þykir ekki gaman, þá þykir öðrum ekki gaman” og því er óhætt að segja að þessi skemmtun geti ekki klikkað.

Þorsteinn G. Ólafsson upphaflegur söngvari hljómsveitarinnar, búsettur í Lúxemborg kemur til landsins til að vera með hópnum af þessu tilefni ásamt Bergsveini Arilíussyni söngvara, Súkku Pé (Siggeir Pétursson), Bigga Nielsen, Gunna og Njalla. Saman ætla þeir að neyða áhorfendur 20 ár til baka, til þeirra tíma þegar X-kynslóðin var áhyggjulaus, bjartsýn úr hófi og áræðin. Sagðar verða sögur frá þessum tíma og talað um ódauðlegar textasmíðar sveitarinnar :-) Það voru svo fylgjendur sveitarinnar sem völdu VV&b lögin sem verða flutt og bandið fékk litlu ráðið.

Aðeins eru um 200 miðar í boði á Sögutónleikana og taka skal fram að það verður einungis ein sýning. Ein sýning.

Úti á sjó - Falla niður

Wed, 08 May 2013 15:51:20 GMT

Á tónleikunum flytja KK og Maggi Eiríks efni af nýjum geisladiski sem ber heitið Úti á sjó.

Að þessu sinni eru efnistök þeirra félaga tengd sjónum og munu þeir flytja á tónleikunum slagara og minna þekkt sjómannalög frá seinni hluta síðustu aldar ásamt vinsælum lögum af fyrri geisladiskum.

Geisladiskurinn sem kemur út 23. maí er tileinkuð íslenskum sjómönnum og fjölskyldum þeirra.

Hljómsveitin sem fram kemur með KK og Magga Eiríks er skipuð Benedikt Brynleifssyni, trommuleikara, Valdimari Kolbeini Sigurjónssyni, bassaleikara, Reyni Sigurðssyni, víbrafóns- og harmónikkuleikara og Guðmundi Péturssyni, havaií gítarleikara.

Dionne Warwick -

Wed, 08 May 2013 10:44:57 GMT

Dionne Warwick með tónleika á Íslandi
Söngdívan Dionne Warwick mun koma fram á tónleikum í Hörpu þann 19 Júní.

Dionne Warwick er ein skærasta stjarna poptónlistarsögunnar. Hún hefur unnið til 5 Grammy verðlauna, gefið út 35 breiðskífur sem selst hafa í yfir 100 milljón eintökum og hefur átt 85 lög á topp 100 í Bandaríkjunum, fleiri en nokkur önnur söngkona. Dionne Warwick hefur notið meiri velgengni á vinsældalistum en nokkur önnur söngkona í sögunni að Arethu Franklin undanskilinni.

Í hugum margra er Dionne Warwick þekktust fyrir samstarf sitt við tónskáldið Burt Bacharach og félaga hans, Hal David. Warwick flutt öll þekktustu lög þeirra sem mörg hver náðu efstu sætum vinsældalista um allan heim, lög eins og: I say a litle prayer for you, This girl´s in love with you og Do you know the way to San Jose.

Dionne Warwick hefur einnig starfað með fleiri þekktum tónlistarmönnum. Samstarf hennar við Barry Manilow skilaði þeim toplaginu I´ll never love this way again og Gibb bræður í Bee Gees sömdu fyrir hana lagið Heartbreaker sem sömuleiðis fór á toppinn beggja vegna Atlantshafsins. Lagið Thats whats friends are for eftir Burt Bacarach sem Dionne söng ásamt Elton John, Gladys Knight og Stevie Wonder seldist í bílförmum og tryggði henni sín fimmtu Grammy verðlaun.

Á tónleikunum í Hörpu mun Dionne Warwick flytja ásamt hljómsveit sinni öll þekktustu lög ferilsins. Dionne Warwick er í feikna góðu formi eins og síðasta breiðskífa henar sannaði en hún kom út í lok árs 2011. Hún er reglulegur gestur í bestu tónleikasölum heims og á helstu jasshátíðum eins og Montreux hátíðinni þar sem hún hefur verið fastagestur um langt skeið.

Tónleikarnir fara fram í Eldborgarsal Hörpu þann 19. júní og einungis verður um eina tónleika að ræða.

Bam Margera og CKY - ásamt Skálmöld

Tue, 07 May 2013 14:33:41 GMT

Bam Margera úr Jackass og Viva La Bam ásamt hljómsveitinni CKY kynna F***KFACE UNSTOPPABLE en þeir munu halda tónleika og ýmis uppátæki í Hafnarhúsinu þann 24.júlí n.k

Vitleysingurinn Brandon Novak úr Jackass og Viva La Bam kemur einnig fram og hin frábæra íslenska hljómsveit Skálmöld mun taka sín bestu lög og sjá um að trylla lýðinn.

Sýningin hefur verið uppseld á flestum stöðum í Bandaríkjunum og er Evróputúr þeirra meira og minna uppseldur þannig þetta er eitthvað sem enginn ætti að láta fram hjá sér fara.

18 ára aldurstakmark.

Karlakórinn Stefnir -

Mon, 06 May 2013 13:20:27 GMT

Karlakórinn Stefnir frá Mosfellsbæ ásamt Færeyingnum Jógvan Hansen og Kristínu R. Sigurðardóttir sópran, verða með tónleika í Menningarhúsinu Hofi, mánudaginn 3. júní kl. 20:00. Í lok tónleika verður samsöngur Stefnismanna og Karlakórs Akureyrar-Geysis.

Efnisskráin verður mjög fjölbreytt og skemmtileg blanda af dægurlögum, söngleikjalögum og óperulögum, eftir íslenska og erlenda höfunda svo sem Draumalandið eftir Julian M. Hewlett, Ástarvísur hestamannsins eftir Carl Billich, New York New York eftir John Kander, Oh Lawd I’m on my way eftir Gershwin og Fangakórinn eftir Verdi.

Stjórnandi Stefnis er Julian M. Hewlett og meðleikari er Guðríður Steinunn Sigurðardóttir.

Bræðslan 2013 - Tónleikar - Uppselt

Mon, 06 May 2013 10:20:18 GMT

Tónlistarhátíðin Bræðslan hefur verið haldin á Borgarfirði eystri síðan árið 2005 í gamalli síldarbræðslu sem hentar frábærlega fyrir tónleikahald.

Bræðslutónleikarnir sjálfir fara ætíð fram á laugardagskvöldinu en dagana á undan eru fjölbreyttir Off-Venue tónleikar í Fjarðarborg, í Álfacafé og víðsvegar um þorpið.

Í ár eru það Mannakorn, Ásgeir Trausti, Bjartmar og John Grant sem troða upp á Bræðslunni og skal tekið fram að það er ekki ólíklegt að eitthvað bætist við þennan frábæra hóp.

Borgarfjörður eystri er án vafa eitt fallegasta byggðarlag landsins, með alla helstu þjónustu fyrir tónleikagesti. Nánari upplýsingar um þjónustu á Borgarfirði er að finna á www.borgarfjordureystri.is

Nýdönsk - Fram á nótt - Aukatónleikar

Fri, 03 May 2013 12:41:15 GMT

Nýdönsk fagnaði í fyrra 25 ára afmæli í Eldborgarsal Hörpunnar við stórkostlegar viðtökur aðdáenda sveitarinnar sem troðfylltu salinn á tvennum tónleikum. Hljómsveitin hyggst nú endurtaka leikinn en að þessu sinni verður einblínt á vinsælustu lögin. Mörg þeirra hafa fyrir löngu tekið sér bólfestu í hjörtum Íslendinga og þykir kominn tími til að þau fái að óma í glæsilegasta tónleikasal landsins.

Nýdönsk hefur komið víða við á löngum og farsælum ferli og er skemmst að minnast tónleiksins "Nýdönsk í nánd" sem sýndur var fyrir þúsundir manna í Borgarleikhúsinu um árið en þar brugðu þeir sér í gervi, léku, sungu og dönsuðu af miklum þrótti.

Að sögn meðlima sveitarinnar munu verða óvæntar uppákomur þetta kvöldið en ekki tókst með nokkru móti að fá þá til að tjá sig frekar um málið. Ingi Skúlason, bassaleikari, verður piltunum til aðstoðar eins og undanfarin ár en annars er hljómsveitin skipuð þeim Birni Jörundi Friðbjörnssyni, Daníel Ágúst Haraldssyni, Jóni Ólafssyni, Ólafi Hólm og Stefáni Hjörleifssyni.

Viðskiptavinir Íslandsbanka athugið, vinsamlegast smellið hér til að kaupa miða á tilboði

Söngvaskáldin og Sinfó -

Thu, 02 May 2013 13:25:09 GMT

Á sannkölluðum stórtónleikum mun Sinfóníuhljómsveit Íslands og stórskotalið söngvara flytja mörg þekktustu lög íslenskar tónlistarsögu. Má þar nefna lög eins og Stingum af, Horfðu til himins, Tvær stjörnur, Don't try to fool me, Vetrarsól og fleiri perlur. Tónleikarnir eru haldnir í samvinnu við Félag tónskálda og textahöfunda, FTT, sem heldur upp á 30 ára afmæli á þessu ári.

Flytjendur: Ragnar Bjarnason, Lay Low, Eyþór Ingi, Arnór Dan, Birgitta Haukdal, Jónas Sigurðsson, Sigríður Thorlacius, Páll Óskar, Mugison, Magga Stína, Helgi Björnsson, Egill Ólafsson, Björgvin Halldórsson, Jóhann Helgason, Jón Jónsson, Svavar Knútur, Ellen Kristjánsdóttir, Daníel Ágúst, Björn Jörundur, Andrea Gylfadóttir, Þorvaldur Bjarni Þorvaldsson, Ragnheiður Gröndal, Valdimar Guðmundsson og Dísella Lárusdóttir.

Ekki missa af frábærum söngvurum syngja lög okkar ástsælustu höfunda með Sinfóníuhljómsveit Íslands.

Kraftwerk -

Thu, 02 May 2013 12:08:14 GMT

Hin víðfræga Kraftwerk, sem mun loka Iceland Airwaves, hefur bætt við aukatónleikum í Hörpu mánudaginn 4. nóvember. Tónleikarnir í Eldborg verða stórkostleg þrívíddarupplifun en Kraftwerk hefur fengið glimrandi dóma fyrir þessa samblöndu sjónarspils og tónlistar.

Kraftwerk hefur síðastliðin 40 ár verið fremst á sínu sviði elektrótónlistar og hafa fáir tærnar þar sem hún hefur hælana.

Þess ber að geta að fyrri tónleikar Kraftwerk verða sunnudaginn 3. nóvember á Iceland Airwaves og veitir Iceland Airwaves miði aðgang að tónleikunum með sama hætti og á aðra tónleika hátíðarinnar á meðan húsrúm Eldborgar leyfir. Miðum á fyrri tónleika Kraftwerk verður dreift til miðahafa Iceland Airwaves án endurgjalds föstudaginn 1. nóvember kl. 16 í Hörpu eftir „fyrstur kemur, fyrstur fær“ reglunni. Eitt armband = einn miði á Kraftwerk.

Anna Jónsdóttir og Richard Simm - Tónleikar

Thu, 02 May 2013 10:53:27 GMT

Á Kjarvalsstöðum, sunnudaginn 26.maí klukkan 17.00, munu Anna Jónsdóttir, sópransöngkona og Richard Simm, píanóleikari flytja tónlist eftir Richard Wagne.

Á efnisskránni eru þrjú frönsk ljóð, Wesendonk Lieder og aríur úr óperunum Tannhaüser, Lohengrin og Tristan und Isolde.

Extreme Chill Festival - Undir Jökli 12. - 14. júlí

Tue, 30 Apr 2013 13:36:45 GMT

Íslenska raftónlistarhátíðin Extreme Chill Festival 2013 - Undir jökli verður haldin helgina 12. - 14. Júlí næstkomandi á Hellissandi við rætur Snæfellsjökuls.

Þetta er í fjórða sinn sem hátíðin fer fram, sem fer ört vaxandi með hverju árinu.
Í ár verða um 20 íslenskir tónlistarmenn m.a Mikael Lind, Tonik, Samaris, Ozy, Úlfur, Stereo Hypnosis, Rúnar Magnússon O.fl sem koma fram, ásamt 4 erlendum tónlistarmönnum frá Grikklandi, Sviss, Egyptalandi og Bretlandi.

Dagskráin á hátíðinni hefst á föstudagskvöldinu með tónleikum í félagsheimilinu Röst og byrja þeir á slaginu 20:00. Á laugardeginum hefst svo dagskráin utandyra með plötusnúðum sem standur frá kl. 13:00 - 19:00 og verður dagskráin svo færð innanhús í félagsheimilið Röst kl. 20:00 og mun standa til kl 03:00 um nótt.

Aðeins 350 armbönd verða í boði í ár og hvetjum við því fólk til að tryggja sér armband á hátíðinna tímanlega, síðustu 2 ár seldist upp og komust færri að en vildu.

Mjög gott tjaldsvæði er á Hellissandi, en það opnaði sumarið 2011 og er staðsett í fallegu hrauni er kallast Sandahraun. Á svæðinu er þjónustuhús með salerni, sturtum og vaskarými. Skemmtilegar gönguleiðir eru í næsta nágrenni, fallegar fjörur með öllum þeim ævintýrum sem þær bjóða uppá. Sólsetrin við Breiðafjörð séð frá Sandahrauni eru óviðjafnanleg og
Þjóðgarðurinn Snæfellsjökull er næsti nágranni við tjaldsvæðið.

Þetta verður leyndardómsfullt ferðalag um rafrænt landslag.

20 ára aldurstakmark.

Mezzoforte - Tónleikar

Tue, 30 Apr 2013 11:18:12 GMT

Græni Hatturinn kynnir með stolti tónleika Mezzoforte en ákaflega er fáheyrt að þessi frábæra sveit spili hérlendis. Hér eru þeir nýkomnir úr tónleikaferðalagi um Þýskaland, Sviss, Austurríki, Ungverjaland, Lithaen, Eistland, Noreg og Grænland. Það er því mikill fengur fyrir Græna Hattinn að bjóða uppá tónleika Mezzoforte, en þetta er í þriðja skipti sem hjómsveitin spilar þar.

18 ára aldurstakmark.

All Tomorrow's Parties - Iceland - Day 2 - Saturday ticket

Tue, 30 Apr 2013 10:51:32 GMT

All Tomorrow's Parties - Iceland

All Tomorrow's Parties á Íslandi kynna með miklu stolti komu hinnar goðsagnakenndu hljómsveitar Nick Cave & The Bad Seeds á ATP Iceland helgina 28.-29, sem haldin verður á gömlu NATO herstöðinni Ásbrú. Nick Cave spilaði síðast á Íslandi árið 2006 en hljómsveitin hans, The Bad Seeds, kom síðast fram á Íslandi árið 1986 þegar Nick Cave heimsótti Ísland í fyrsta sinn. Hann hafði þetta að segja um fyrirhugaða tónleika á ATP Iceland, „uppáhalds tónlistarhátíðin mín í uppáhaldslandinu mínu.“ Tónlistardagskrá hátíðarinnar verður ekki af verri endanum en dagskráin lítur þannig út:

Föstudaginn 28. júní koma fram:
The Fall(UK)
Thee Oh Sees (US)
The Notwist (DE)
Múm
HAM
Apparat Organ Quartet
Ghostigital
Kimono
Æla
Snorri Helgason

Laugardaginn 29. júní koma fram:
Nick Cave & The Bad Seeds (UK)
Chelsea light moving (US) (með forsprakka Sonic Youth, Thurston Moore í fararbroddi)
Deerhoof(US)
Squrl (US) (með leikstjórann Jim Jarmusch fremstan í flokki)
Mugison
Dead skeletons
Hjaltalín
Valgeir Sigurðsson
Amiina
Puzzle Muteson(UK)

Á hátíðarsvæðinu verða tvö svið auk annars konar skipulagðrar dagskrár sem felur meðal annars í sér kvikmyndasýningar, Popppunkt, fótboltamót þar sem hljómsveitir etja kappi við gesti hátíðarinnar o.fl. Á hátíðina verða aðeins seldir fjögur þúsund miðar.

Það eru tvenns konar miðar fáanlegir á hátíðina – með og án gistingu:

Tegund 1 – án gistingar:
Annars vegar er hægt að kaupa miða á hátíðina sem veitir aðgang að öllum viðburðum hátíðarinnar (miðaverð 16.900 kr.) og hins vegar dagspassa á hvorn dag fyrir sig (miðaverð 9.900 kr). Engin gisting er innifalin í þessum miðum.

Tegund 2 – með gistingu:
Miði á hátíðina ásamt herbergi. Takmarkað magn miða er í boði sem fela í sér 2ja nátta gistingu í herbergjum hjá Bed & Breakfast Keflavík sem staðsett er á Ásbrú í göngufjarlægð frá hátíðarsvæðinu. Herbergin hafa aðgang að sameiginlegu eldhúsi (borðbúnaður og tól til eldunar á staðnum). Lín er innifalið í verðinu og því óþarfi að koma með sængur eða svefnpoka.

Tvenns konar pakkar eru í boði sem fela í sér gistingu:

2ja manna - Innifalið í pakkanum eru tveir miðar á hátíðina og herbergi fyrir tvo fyrir föstudags- og laugardagskvöld. Tvö herbergi deila einu baðherbergi; sem annaðhvort hefur sturtu eða bað og auðvitað vask og salerni. Í þessum herbergjum eru tvö aðskilin einstaklingsrúm. Verð fyrir tvo: 69,800 kr (2 miðar og gisting)

4ja manna – Innifalið í pakkanum eru fjórir miðar á hátíðina og herbergi fyrir fjóra fyrir föstudags- og laugardagskvöld. Í þessum pakka eru tvö samliggjandi herbergi sem aðskilin eru með baðherbergi sem annaðhvort hefur sturtu eða bað og auðvitað vask og salerni. Annað herbergið er með einu ,,queen-size”-rúmi sem tveir geta sofið í og hitt með tveimur einstaklingsrúmum. Verð fyrir fjóra: 139,600 kr (4 miðar og gisting)

20 ára aldurstakmark.

All Tomorrow's Parties - Iceland - Day 1 - Friday ticket

Tue, 30 Apr 2013 10:49:14 GMT

All Tomorrow's Parties - Iceland

Föstudaginn 28. júní koma fram:
The Fall(UK)
Thee Oh Sees (US)
The Notwist (DE)
Múm
HAM
Apparat Organ Quartet
Ghostigital
Kimono
Æla
Snorri Helgason

Það eru tvenns konar miðar fáanlegir á hátíðina – með og án gistingu:

Tvenns konar pakkar eru í boði sem fela í sér gistingu:

20 ára aldurstakmark.

Cirkus Cirkör - sýning

Mon, 29 Apr 2013 19:41:34 GMT

Sýning Cirkus Cirkör, Wear it Like a Crown, með tónlist eftir Rebekku Karijord, er sett upp í samstarfi við Borgarleikhúsið. Sýningin er meginsýning Vol.Can.O sirkuslistahátíðar.

Sýningin Wear it Like a Crown er síðasti hluti trílógíu um líkamann og möguleika hans. Fyrsti hlutinn var 99% Unknown og miðhlutinn kallast Inside out. Sýningin fjallar um það að velja að bera galla okkar og mistök, hræðslu okkar og vankanta sem kórónu/djásn. Fágum hana og berum með stolti.

Á hringsnúandi sviði, hreyfa sirkuslistmennirnir sig í heimi tálsýna, skuggaleiks, hnífakasts, loftfimleika, juggls og leiks. Sex ólíkir persónuleikar, einmanna og einir í heiminum að þeim finnst, glíma við krísur sínar. Hver persónuleiki reynir að komast í snertingu við hina á sinn hátt. Tónlistin í sýningunni er samin af Rebekku Karijord, frá Noregi, og heitir sýningin í höfuðið á lagi eftir hana af plötunni The noble art of letting go.

Cirkus Cirkör er sænskur sirkus sem ferðast um allan heim með sýningar sínar, hvert sem þau mæta er uppselt enda eru þetta listamenn á heimsmælikvarða. Í Cirkus Cirkör lætur fólk sig dreyma, og það leyfir svo draumunum að verða að veruleika!

Vortónleikar Kvennakórs Akureyrar -

Mon, 29 Apr 2013 18:13:51 GMT

Vortónleikar Kvennakórs Akureyrar árið 2013 hafa yfirskriftina Sólin þaggar þokugrát, sem er tilvísun í eitt af lögunum sem eru á efnisskránni í ár.

Kvennakór Akureyrar var stofnaður á vordögum 2001. Í kórnum starfa að jafnaði um 60 konur frá Akureyri og nærsveitum. Fyrsti stjórnandi Kvennakórsins var Björn Leifsson, en hann stjórnaði kórnum til 2003 þegar Þórhildur Örvarsdóttir tók við. Arnór Vilbergsson stjórnaði kórnum frá 2005 til 2008, en Jan Alavere var með kórinn haustönnina 2008. Stjórnandi frá því í janúar 2009 er Daníel Þorsteinsson. Frá haustinu 2011 er formaður kórsins Una Þórey Sigurðardóttir.

Kórinn heldur um það bil þrenna tónleika á ári og tekur auk þess að sér að syngja við hvers kyns tækifæri. Lagaval kórsins er fjölbreytt, gamalt og nýtt, íslenskt og erlent og við allra hæfi.

Kórinn hefur þrisvar lagt land undir fót og farið utan, fyrst til Slóveníu, svo til Eistlands og síðasta haust fór kórinn svo vestur um haf til Gimli í Kanada þar sem hann tók þátt í Íslendingadeginum. Þessa dagana vinnur kórinn að undirbúningi landsmóts kvennakóra sem haldið verður vorið 2014.

Kórinn heldur tvenna tónleika þetta vorið, Blönduóskirkju, laugardaginn 25. maí kl 15:00 og Hofi, sunnudaginn 26. maí kl 15:00.

Ólæti - 4. - 7. júlí 2013

Mon, 29 Apr 2013 17:03:06 GMT

Ólæti er tónlistar og menningarhátíð sem fer fram í gömlu frystihúsi í Ólafsfirði og er haldin í fyrsta skiptið núna í sumar dagana 4. - 7. júlí. Hátíðin byrjar á tónleikum kl.18:00 á fimmtudeginum og fjörið mun ekki stoppa fyrr en fer að líða að sunnudagsmorgni. Um 30 hljómsveitir og listamenn munu koma fram og nóg verður um afþreyingu alla dagana. Ólæti mun svo vera slúttað eftir seinustu tónleikana með brennu á bryggjuni.

Fylgstu með okkur á Facebook (sjá hér til hægri undir tengt efni). Þar ættiru að geta séð allt um hátíðina og þau bönd sem munu stiga á stokk.

Ekki láta þetta framhjá þér fara!

18 ára aldurstakmark.

Nýdönsk - Fram á nótt

Fri, 26 Apr 2013 23:07:48 GMT

Nýdönsk fagnaði í fyrra 25 ára afmæli í Hofi og Hörpu við stórkostlegar viðtökur aðdáenda sveitarinnar. Hljómsveitin hyggst nú endurtaka leikinn en að þessu sinni verður einblínt á vinsælustu lögin. Mörg þeirra hafa fyrir löngu tekið sér bólfestu í hjörtum Íslendinga og þykir kominn tími til að þau fái að óma í glæsilegustu tónleikasölum landsins.

Nýdönsk hefur komið víða við á löngum og farsælum ferli og er skemmst að minnast tónleiksins Nýdönsk í nánd sem sýndur var fyrir þúsundir manna í Borgarleikhúsinu um árið en þar brugðu þeir sér í gervi, léku, sungu og dönsuðu af miklum þrótti.

Viðskiptavinir Íslandsbanka athugið, vinsamlegast smellið hér til að kaupa miða á tilboði

Norðrið kallar - Fílharmóníusveit Norðursins -

Fri, 26 Apr 2013 14:08:12 GMT

NORÐRIÐ KALLAR
Grieg / Brøske / Halvorsen
Stórbrotin tónlist í einstöku landslagi!

Fílharmóníuhljómsveit Norðursins heimsækir nú Ísland í fyrsta sinn, ásamt aðalhljómsveitarstjóranum Christian Lindberg. Á tónleikum sínum í Eldborg flytur sveitin tónlist, sem þrungin er sannri norrænni andagift. Einleikari verður Henning Kraggerud, fiðluleikari, sem sérstaklega þekktur er fyrir túlkun sína á verkum Edvards Grieg.

Henning Kraggerud er einnig listrænn stjórnandi kammersveitar hljómsveitarinnar, en kemur nú fram með henni sem einleikari í nýrri útsetningu á fiðlusónötu Griegs í c-moll. Hljómsveitin frumflutti útsetningar sínar á þremur fiðlusónötum Griegs í nóvember í fyrra og voru verkin hljóðrituð af Naxos fyrr á þessu ári.

Á efnisskránni er einnig verkið Åsgaardsreien, tónaljóð eftir Ole Olsen frá Hammerfest, óvenjulegt verk Trygve Brøske fyrir sinfóníuhljómsveit og þjóðlagatónlistarmenn, verk sem hljómsveitin pantaði af tónskáldinu árið 2010 og loks Sinfónía nr. 3 eftir Johan Halvorsen.

EFNISSKRÁ:
Ole Olsen: Åsgaardsreien
Edvard Grieg (1843-1907): Fiðlusónata í c-moll
Trygve Brøske: Arctic Calling
Johan Halvorsen: Sinfónía nr. 3 í C-dúr

EINLEIKARAR:
Henning Kraggerud, fiðla
Stephen Blanchett and Inga Juuso, þjóðlagatónlistarmenn

TÓNLEIKAFERÐ HLJÓMSVEITARINNNAR:
Ósló, tónleikasalur Óslóarháskóla
Reykjavík, Harpa tónlistar- og ráðstefnuhús
Tromsø, Menningarhúsið
Bodø, Menningarhús Bodø

Harpa og tuulivuori -

Fri, 26 Apr 2013 13:30:25 GMT

Harpa og tuulivuori

Á þessum finnsk/íslensku tónleikum munu áhorfendur eiga þess kost að heyra nýja íslenska og finnska tónlist. Tónleikarnir hefjast á fallegri og persónulegri þjóðlagatónlist tveggja ólíkra söngvaskálda, þeirra Ólafs Torfasonar og hinni finnsku Mariu Santavuori. Á þessum tónleikum ætla Ólafur og Maria að stilla saman strengi sína og flytja frumsamin lög hvert á sínu móðurmáli. Ólafur syngjur og spilar lög af tilvonandi plötu sem kallast Breytingar, þeim til fulltingis verður Saana Trygg sem spilar á harmonikku og kantele.

Að loknu gítarspili og ljóðagrúski, tekur finnska kammerrokksveitin CoreBaroque við. CoreBaroque er hugarfóstur Elinu og Esa Alavillamo. CoreBaroque mun spila efni af nýútkominni plötu sem kallast Only this moment. Fyrir þessa tónleika var stofnaður íslenskur armur CoreBaroque, því ásamt finnskum meðlimum sveitarinnar voru fengnir fjórir meðlimir Sinfóníuhljómsveitar Íslands, þeir Ari Þór Vilhjálmsson (fiðla), Sigurgeir Agnarsson (selló), Þórir Jóhannsson (bassi) og Kjartan Guðnason (trommur). Eins og nafnið gefur til kynna er hér á ferðinni hressandi blanda af kammertónlist og finnskri rokktónlist. Þessi tónleikaviðburður er eitthvað sem tónlistaráhugafólk ættu ekki að láta framhjá sér fara.

Dagskrá

Kl. 20:00-21:00 Ólafur Torfason og María Santavuori
Kl. 21:30-22:15 CoreBaroque

Múlinn á Munnhörpunni.. - Hljómsveit Jussanam da Silva

Fri, 26 Apr 2013 13:11:23 GMT

Kvintett Andrésar Þórs

Andrés Þór Gunnlaugsson, gítar, lapsteel og dóbró
Hilmar Jensson, gítar
Þorgrímur Jónsson, bassi
Matthías M.D. Hemstock, trommur
Scott McLemore, trommur

Tveggja gítara kvintett Andrésar Þórs leikur kraftmikla efniskrá þar sem tveir gítarar, tvö trommusett og kontrabassi leika blandaða efnisskrá eigin laga auk nokkurra vel valinna tökulaga.

Stebbi og Eyfi flytja lög Simon og Garfunkel - Fellur niður

Wed, 24 Apr 2013 13:50:06 GMT

Stebbi & Eyfi flytja lög Simon & Garfunkel í Hörpu 8. Júni

Þann 8. júní blása Stebbi & Eyfi til stórtónleika í Eldborgarsal Hörpu. Þar verður tónlist dúettsins Simon & Garfunkel gerð rækileg skil, en segja má að sameiginlegur áhugi Stebba og Eyfa á tónlist þessa heimsþekkta tvíeykis frá New York hafi orðið kveikjan að samstarfi sem nú hefur varað í hartnær aldarfjórðung. Engu verður til sparað til að gera upplifun tónleikagesta ógleymanlega og munu Stebbi og Eyfi hafa sér til fulltingis 10 manna sveit valinkunnra tónlistarmanna í landsliðsklassa. Simon & Garfunkel hafa lengi átt dyggan hóp áhangenda hérlendis, enda hafa fjölmörg lög þeirra náð heimsvinsældum og skipað sér á bekk með sígildum tónsmíðum popptónlistarsögunnar. Í Eldborg verða einfaldlega flutt öll þeirra þekktustu lög og víst má telja að gestir muni yfirgefa hið glæsilega tónlistarhús með gleði og hlýju í hjarta þetta sumarkvöld.

Ásamt Stebba & Eyfa skipa sveitina þau Friðrik Sturluson (bassi), Gísli Helgason (flautur), Guðrún Gunnarsdóttir (raddir), Hannes Friðbjarnarson (slagverk og raddir), Jóhann Hjörleifsson (trommur), Jón Elvar Hafsteinsson (gítarar), Kjartan Hákonarson (trompet), Samúel Samúelsson (básúna), Sigurður Flosason (saxófónar og slagverk) og Þórir Úlfarsson (hljómborð).

Pearls of Icelandic song -

Fri, 19 Apr 2013 17:22:48 GMT

Á tónleikum okkar í Hörpu fá áheyrendur að kynnast sígildri íslenskri tónlist. Við flytjum ykkur perlur íslenskra sönglaga, þjóðlög, sálma og ættjarðarsöngva. Flytjendur koma úr röðum ungs íslensks tónlistarfólks og hafa margir þeirra fengið mikið lof fyrir flutning sinn, bæði innan lands og utan.

Listrænn stjórnandi tónleikanna er óperusöngvarinn Bjarni Thor Kristinsson.

Stormsveitin - Sumartónleikar

Fri, 19 Apr 2013 13:21:51 GMT

Stormsveitin er 20 manna karlakór ásamt 5 manna rokkhljómsveit sem syngur raddaðan söng í fjórum röddum. Gestir tónleikanna er Birgir Haraldsson söngvari m.a.Gildrunnar sem hefur komið fram með Stormsveitinni áður við góðan orðstír og Björgvin Gíslason Gítarleikari.

Efnisskráin spannar tónlist sem allir þekkja allt frá íslenskum karlakórslögum og þjóðlögum til Queen og Metallica í metnaðarfullum útsetningum. Stormsveitin hefur verið starfandi í rúmt ár og hefur komið fram á fjölda atburða og tónleika og fengið mjög góðar viðtökur. Þetta er klárlega góð skemmtun fyrir þá sem hafa áhuga á metnaðarfullu rokki eins og þeir hafa aldrei séð það áður.

Júpíters - Ball í Iðnó

Fri, 19 Apr 2013 09:39:45 GMT

Hin stórmerkilega og fárántýska hljómsveit Júpíters efnir til sumarballs í Iðnó laugardagskvöldið 8. júní. Þetta er einstakur viðburður! Nú verður sumri fagnað af einstakri gleði á ógleymanlegan hátt.

Miðasala fer fram á miði.is og einnig við innganginn.

Þar sem búist er við háum meðalaldri gesta hefst ballið kl.22:00 (húsið opnar kl.21:30) og stendur eins lengi og einhver hangir vakandi, nánar tiltekið til kl.01:00

20 ára aldurstakmark.

Nýdönsk - Fram á nótt -

Tue, 16 Apr 2013 22:28:28 GMT

Viðskiptavinir Íslandsbanka athugið, vinsamlegast smellið hér til að kaupa miða á tilboði

Óskalög sjómanna -

Tue, 16 Apr 2013 16:35:08 GMT

Í tengslum við Hátíð hafsins og í tilefni af 100 ára afmæli Reykjavíkurhafnar og 75. Sjómannadagsins verða seglin þanin í Hörpu og vinsælustu sjómannalög okkar Íslendinga flutt af úrvali íslenskra tónlistarmanna.

Faxaflóahafnir og Sjómannadagsráð standa að Hátíð hafsins og verður miðaverði stillt í hóf til að sem flestir sjái sér fært að upplifa þennan einstaka viðburð.

Tónlistarstjóri: Jón Ólafsson

Söngur: Valdimar Guðmundsson, Ragnar Bjarnason, Sigríður Thorlacius, Guðrún Gunnarsdóttir, Kristján Kristjánsson ( KK), Magnús Eiríksson, Gylfi Ægisson, Magni Ásgeirsson, Matthías Matthíasson, Þorvaldur Halldórsson

Kynnir: Örn Árnason

U2 Tribute - L.A Vation - Tónleikar

Tue, 16 Apr 2013 14:34:21 GMT

Bandaríska sveitin L.A Vation, besta U2 tributeband heims kemur á klakann og heldur tónleika á Gamla Gauknum þann 28.júlí nk.

Sveitin er á túr um evrópu og stoppar hér á landi í nokkra daga.

Þessi sveit gefur sig út fyrir að vera besta U2 tribute í heimi og það má með sanni segja að þeir standi vel undir þeirri skoðun. L.A Vation er það næsta sem við komumst því að fá U2 sjálfa til landsins.

20 ára aldurstakmark.

Rauðasandur Festival 2013 - 4. - 7. júlí

Tue, 16 Apr 2013 14:15:15 GMT

Rauðasandur Festival er fjölskylduvæn tónlistarhátíð sem nú er haldin í þriðja sinn í náttúruperlunni Rauðasandi á Vestfjörðum. Umhverfið er sláandi fagurt á þessum afvikna stað og er tónlistin í takt við það. Lögð er áhersla á popp, folk og reggae tónlist.

Meðal listamanna sem koma fram í ár eru Prinspóló, Borko, Mr Silla, Samaris, Snorri Helgason, Ylja ásamt fleiri góðum.

Yoga á sandinum, gönguferðir á söguslóðir og sandkastalakeppni eru dæmi um aðrar uppákomur á hátíðinni.
Rauðasandur Festival er haldin á býlinu Melanesi, þar sem nýlega er hafin uppbygging á ferðaþjónustu. Tjaldsvæði og öll aðstaða er til fyrirmyndar og ótrúlegar náttúruperlur og sögufrægir staðir eru innan göngufæris. Næsti bær er Patreksfjörður en þangað er hægt að sækja sundlaug, kaffihús, verslun og þjónustu en einnig er kaffihús á næsta bæ við Melanes á Rauðasandi.

Innifalin í miðaverði er gisting á tjaldsvæði í þrjár nætur ásamt ýmsum fríðindum á sunnanverðum Vestfjörðum sem auglýst verður síðar. Armbönd verða afhent á staðnum gegn framvísun miða frá midi.is.

Aðeins 20 ára og eldri mega kaupa miða, en allir undir 20 ára eru velkomnir í fylgd með foreldrum. Frítt inn fyrir 14 ára og yngri í fylgd með foreldrum.

RED BULL FLYING BACH -

Mon, 15 Apr 2013 15:05:32 GMT

Múrinn milli klassíska heimsins og dansi götunnar rofinn

Í Red Bull Flying Bach sannar goðsagnakenndi breikdanshópurinn Flying Steps og óperustjórnandinn Christoph Hagel hversu vel breikdans og barokktónlist þýska tónskáldsins J. S. Bachs eiga saman. Sjáið kröftugan breikdans knúinn áfram af taktföstum píanóhljómum Bachs.

Fullkomin blanda andstæðna!

Í Red Bull Flying Bach mætast klassísk tónlist og breikdans í stórkostlegri sýningu sem farið hefur sigurför um heiminn undanfarin tvö ár. Red Bull Flying Bach hefur hrifið gagnrýnendur og áhorfendur fyrir fullum dyrum í glæsilegustu sýningarhöllum heims og munu þeir koma fram í Eldborgarsal Hörpu.

Sýningin hlaut meðal annars hin virtu ECHO Klassik verðlaun og frá því að Flying Steps tók til starfa árið 1993 hafa þeir fjórum sinnum orðið heimsmeistarar í breikdansi. Það er ekki að ástæðulausu að ávallt er uppselt á sýningum þeirra og á einni sýningunni seldust allir miðar á innan við 50 mínútum. Nú munu þessir einstöku listamenn loksins heimsækja Ísland og verða í Hörpu þann 14. júní næstkomandi.

Skapandi flutningur þeirra myndgerir og endurlífgar „Vel stillt hljómborðið“ Bachs „Das Wohltemperierte Klavier“ sem færir saman klassíska tónlist og götumenningu unga fólksins. Nótu fyrir nótu, skref fyrir skref hljóma píanó, sembal og raftónar undir heljarstökkum, kröftugum danssporum og hvers kyns hringsnúnginum. Í heildina er hér um að ræða ævintýralega upplifun sem aðdáendur breikdans og klassískrar tónlistar mega ekki láta framhjá sér fara.

All Tomorrow's Parties - Iceland - 4 festival passes + accommodation

Mon, 15 Apr 2013 09:08:21 GMT

All Tomorrow's Parties - Iceland

Föstudaginn 28. júní koma fram:
The Fall(UK)
Thee Oh Sees (US)
The Notwist (DE)
Múm
HAM
Apparat Organ Quartet
Ghostigital
Kimono
Æla
Snorri Helgason

Það eru tvenns konar miðar fáanlegir á hátíðina – með og án gistingu:

Tvenns konar pakkar eru í boði sem fela í sér gistingu:

20 ára aldurstakmark.

All Tomorrow's Parties - Iceland - 2 festival passes + accommodation

Wed, 10 Apr 2013 09:21:53 GMT

All Tomorrow's Parties - Iceland

Föstudaginn 28. júní koma fram:
The Fall(UK)
Thee Oh Sees (US)
The Notwist (DE)
Múm
HAM
Apparat Organ Quartet
Ghostigital
Kimono
Æla
Snorri Helgason

Það eru tvenns konar miðar fáanlegir á hátíðina – með og án gistingu:

Tvenns konar pakkar eru í boði sem fela í sér gistingu:

20 ára aldurstakmark.

Best of Jethro Tull - Ian Anderson -

Mon, 08 Apr 2013 11:32:59 GMT

Best of Jethro Tull
Jethro Tull Ian Anderson á tónleikaferð um Ísland í júní og spilar á þrennum tónleikum

Bandið mun bjóða aðdáendum upp á dagskrá sem nær yfir 45 ára feril sveitarinnar og kallast einfaldlega „Best of Jethro Tull.“ Á meðal laga sem flutt verða eru Aqualung, Locomotive Breath, Bouree, Budapest, Living in the Past og fleiri perlur. Tónleikar verða í Hofi á Akureyri 7. júní, í Höllinni í Vestmannaeyjum 8. júní og í Eldborgarsal Hörpu í Reykjavík 9. júní.

Eins og margir muna þá hélt Jethro Tull Ian Anderson tvenna tónleika í Eldborgarsal Hörpu í júní í fyrra, þar sem færri komust að en vildu. Þá var flutt tímamótaverkið Thick As A Brick, en Ian Anderson hefur undanfarið ár haldið ótal tónleika þar sem TAAB plöturnar eru fluttar í heild sinni og sveitin er þegar bókuð langt fram á næsta ár. Anderson mun hvíla sig að mestu frá því verki á þessum tónleikum og einbeita sér að öðrum gullmolum Jethro Tull.

Ian Anderson, leiðtogi sveitarinnar, er mikill áhugamaður um Ísland og nú vildi hann sjá enn meira af landinu. Jethro Tull/Ian Anderson hafa nokkrum sinnum áður komið fram á tónleikum á Íslandi og síðast seldust aðgöngumiðarnir upp samdægurs!

Best of Jethro Tull -

Mon, 08 Apr 2013 10:00:21 GMT

Aðdáendur eiga mikila tónlistarveislu í vændum. Það verður einstök upplifun að sjá band af þessari stærðargráðu spila í okkar frábæra tónleikasal Hamraborg í Hofi.

Schumann x 3 - á Listahátíð í Reykjavík

Sun, 07 Apr 2013 20:45:50 GMT

Á Listahátíð 2010 lögðu þeir Ágúst Ólafsson og Gerrit Schuil í það stórvirki að flytja ljóðasöngflokka Schuberts; Malarastúlkuna fögru og Vetrarferðina, ásamt söngvasafninu Svanasöng og voru þeir fluttir í Fríkirkjunni þrjá sunnudagsmorgna í röð. Móttökur áheyrenda og gagnrýnenda voru með eindæmum jákvæðar og hlutu tónlistarmennirnir íslensku tónlistarverðlaunin sem bestu tónlistarflytjendur ársins fyrir framtak sitt. Nú eru þeir mættir aftur til leiks og í þetta sinn hefur sópransöngkonan Hanna Dóra Sturludóttir bæst í hópinn.

Robert Schumann er tengdur ljóðasöngnum órjúfanlegum böndum, enda samdi hann ófá af uppáhaldslögum söngunnenda.Tónleikaröðin Schumann x 3 gefur áheyrendum tækifæri til að hlýða á mörg af þessum uppáhaldslögum.

Miðaverð á tónleikana er 3.500 kr.
Tónleikapassi á alla þrenna tónleika kr. 8.500 kr.

Sunnudagur 19. maí, kl. 11
Hanna Dóra Sturludóttir, Ágúst Ólafsson, Gerrit Schuil
Liederkreis við ljóð H.Heine, opus 24
Myrten/Brúðarlauf; Liederkreis við ljóð eftir ýmsa höfunda, opus 25

Sunnudagur 26. maí, kl. 11
Hanna Dóra Sturludóttir, Gerrit Schuil
Frauenliebe und Leben/Ástir og líf konu við ljóð A. Chamisso, opus 42
Gedichte der Königin Maria Stuart/Ljóð drottningarinnar Maríu Stúart, opus 135
Liederkreis við ljóð J. von Eichendorff, opus 39

Sunnudagur 2. júní, kl. 11
Ágúst Ólafsson, Gerrit Schuil
Dichterliebe/Ástir skáldsins við ljóð H.Heine, opus 48
Liederreihe við ljóð J. Kerner, opus 35

Andstæður - Kontraster - á Listahátíð í Reykjavík

Sun, 07 Apr 2013 19:26:22 GMT

Listahátíð í Reykjavík var haldin í fyrsta sinn sumarið 1970. Meðal fjölmargra atriða sem boðið var upp á var verkið Andstæður / Kontraster, þar sem sænski jazzpíanistinn Bengt Hallberg, Jón Sigurðsson kontrabassaleikari og Guðmundur Steingrímsson trommuleikari léku jazzópusa á víxl við sígild verk leikin af klassíska píanóleikaranum Kjell Bækkelund frá Noregi. Listamennirnir leituðust við að draga fram andstæður í tónlist sem byggðu á þemum með tilbrigðum eins og Hallberg útskýrði fyrir áheyrendum á tónleikunum. Duke Ellington, Debussy, Bellmann, Gershwin, hljómuðu allir í bland og svo þétt var setið í Norræna húsinu á tónleikunum að opna þurfti inn í bóksafnið svo að allir tónleikagestir kæmust fyrir.

Á Listahátíð 2013 mun Guðmundur Steingrímsson setjast á ný við settið í Noræna húsinu, á áttugusta og þriðja aldursári, og endurtaka tónleikana ásamt jazztónlistarmönnunum Kjartani Valdimarssyni og Gunnari Hrafnssyni og hafa þeir félagarnir fengið Steinunni Birnu Ragnarsdóttur píanóleikara til liðs við sig.

Atrium String Quartet - Listahátíð í Reykjavík - Tónleikar VII- Kvartett nr. 15

Sat, 06 Apr 2013 15:30:50 GMT