Miði.is

Ingó töframaður í Salnum - Mögnuð töfrasýning fyrir alla fjölskylduna

Mon, 06 Feb 2012 16:19:37 GMT

INGÓ TÖFRAMAÐUR Í SALNUM

Mögnuð töfrasýning fyrir alla fjölskylduna!

Ingó Geirdal hefur sýnt sín mögnuðu töfrabrögð á fjölda skemmtana og í sjónvarpsþáttum í Evrópu og Asíu, en auk þess er hann þekktur fyrir að fara fimum fingrum um gítarinn með Dimmu, Quarashi og Alice Cooper band.
Ingó verður í Salnum, Kópavogi laugardaginn 17. mars kl. 15:00 og býður upp á sjónhverfingar, hugarlestur og töfrabrögð á heimsmælikvarða í töfrasýningu sem rokkar!

ATH! Aðeins þessi eina sýning!

Wacken Metal Battle 2012 - Undankeppni

Sun, 05 Feb 2012 14:21:11 GMT

Hvaða sveit verður fulltrúi Íslands á Wacken Open Air í sumar?

Tónlistarhátíðina Wacken Open Air í Norður-Þýskalandi þarf varla lengur að kynna fyrir íslenskum rokkurum. Hátíðin er enda sú stærsta og virtasta í þungarokkinu, haldin sleitulaust síðan 1990. Mikilvægi þessarar hátíðar hefur gætt í ítrekuðum mæli fyrir íslenskar þungarokkssveitir upp á síðkastið en á síðustu þremur árum hafa hvorki meira né minna en fimm íslenskar þungarokkssveitir spilað á henni.

Wacken Metal Battle er hljómsveitakeppni þessarar hátíðar sem varla þarf lengur að kynna heldur. Verður hún haldin í fjórða sinn á Íslandi í ár og er að stimpla sig inn sem einn af glæsilegustu tónlistarviðburðum landsins. 6 sveitir keppa um stóra hnossið: Að komast á Wacken Open Air að spila og taka þátt í lokakeppninni þar og hljóta að launum útgáfusamning við Nuclear Blast Records, eitt allra stærsta útgáfufyrirtæki heims í þungarokkinu, sem fellur sigursveitinni þar í skaut.

Sérstök dómnefnd, skipuð bæði innlendum sem erlendum aðilum sér um að velja sigurvegarann hér á landi en um stærð viðburðarins er það að segja að ekki færri en 8 erlendir aðilar úr tónlistarbransanum, blaðamenn og bókarar eiga sæti í þessari dómnefnd. Fulltrúar blaðanna Metal Hammer, Terrorizer og Close Up og Season of Mist útgáfufyrirtækisins verða m.a. á staðnum ásamt meðlimi úr hinni goðsagankenndu sveit Tiamat.

Er ljóst að hér verður öllu tjaldað til. Á síðasta ári komust færri að en vildu á Sódóma Reykjavík og var staðurinn stappaður upp í rjáfur! Reynslan sýnir að þátttökusveitirnar eiga sín allra bestu gigg í þessari keppni, enda mikið í húfi. Umgjörðin í ár verður líka alveg í toppi, Nasa er þekkt fyrir frábæran hljómburð og ekki sakar að hljóðstjórn verður í höndum eins af hljóðmönnunum frá Wacken hvorki meira né minna.

Tilkynnt verður um þátttökusveitir í þættinum Dordingull á Rás 2 fimmtudagskvöldið 9. febrúar. Einnig verður þar ljóstrað upp um 2 gestasveitir en ljóst er þó þegar að Atrum, sigurvegarar keppninnar frá því í fyrra, munu spila og setja á svið rosalegt show.

Takið frá 3. mars!

20 ára aldurstakmark.

Tiesto Live - V I P

Sun, 05 Feb 2012 14:07:36 GMT

TIESTO, einn besti plötusnúður heimsins kemur til Íslands!
Hljóð og ljós á heimsmælikvarða og mun hann pottþétt gefa tónleikagestum upplifun sem þeir hafa aldrei séð áður hér á landi.

Tiesto, aka Tijs Verwest, hefur verið duglegur að spila um allan heim og er búin að búa til alþjóðlegt "Tiesto vörumerki." Afrek hans eru Grammy tilnefningar, fjölmargir MTV verðlaun, hann spilaði í opnuninni á 2004 Ólympíuleikunum í Aþenu og er kominn vaxmyndastyttu af honum hjá Madame Tussauds. Hann er með yfir 9 milljónir fylgjendur á Facebook og yfir 240 milljónir hits á YouTube, Tiesto er löngu orðið alþjóðlegt partý vörumerki.

Nýlega var hann kosinn "Besti plötusnúður allra tíma' í könnun sem gerð var af danstónlistarblaðinu MIXMAG, Tiesto hefur unnið með listamönnum eins og Nelly Furtado, Jamm jamm jamms, Goldfrapp, Jónsi úr Sigur Rós og Busta Rhymes. Þegar hann er ekki vinna í samstarfi við virtustu listamenn heimsins hefur hann verið með uppseldatónleika um allan heim á stærstu stöðunum í hverri borg.

VIP:
Einblínt á að þú njótir sem bestu upplifunar á tónleikunum.
VIP svæðið er uppá svölum með gott útsýni yfir sviðið. VIP svæðið hefur sitt eigið "Chill" svæði. Á VIP svæðinu verða fleiri barir svo auðveldara verður að fá sér drykki.

18 ára aldurstakmark.

Tiesto Live -

Sun, 05 Feb 2012 14:06:51 GMT

18 ára aldurstakmark.

Jethro Tull Ian Anderson - Aukatónleikar

Thu, 02 Feb 2012 12:55:40 GMT

Jethro Tull Ian Anderson flytur Thick as a Brick
í Hörpu 21. júní!

Ian Anderson og hljómsveitin hans eru væntanlegir til Íslands á sumri komanda og flytur meistarastykki sitt, Thick as a Brick, í heild sinni á Eldborgarsal Hörpu fimmtudagskvöldið 21. júní. Miðasala hefst í Hörpu og á midi.is 2. febrúar nk kl 12.00.

Miðar á tónleika Jethro Tull í Hörpu þann 21. júní næstkomandi seldust upp á aðeins sjö mínútum en miðasala hófst á hádegi í dag. Þegar hefur verið samið um aukatónleika daginn eftir, 22. júní, og hefst sala á þá kl. 14.00 í dag á midi.is

NÝTT: Thick As A Brick 2
Ian Anderson, Jethro Tull, hefur tilkynnt að í tilefni þess að 40 ár eru liðin frá útkomu plötunnar verði framhald hennar, Thick As Brick 2, gefið út þann 2. apríl næstkomandi. Hluti þessa nýja verks verður einnig leikinn á tónleikunum.

Jethro Tull/Ian Anderson, leiðtogi sveitarinnar, hafa nokkrum sinnum áður komið fram á tónleikum á Íslandi, síðast árið 2009 og þá seldust aðgöngumiðarnir upp samdægurs!

Tónleikar Jethro Tull Ian Anderson 2012 verða sannkallaður hvalreki fyrir fjölmarga aðdáendur sveitarinnar hérlendis því sveitin hefur ekki flutt þetta magnaða tónverk sitt í heild á sviði í fjóra áratugi eða frá því hún gaf það út á plötu árið 1972. Hér fagna þeir útgáfu Thick as a Brick með samnefndri tónleikaferð á árinu 2012. Fyrstu tónleikarnir verða í Bretlandi í apríl og síðan liggur leiðin til fleiri Evrópuríkja og Bandaríkjanna með viðkomu í Reykjavík.

Flutningur Thick as a Brick tekur hátt í 45 mínútur og verður ekki einungis tónlistarupplifun heldur sjónræn einnig. Áhrifamikil myndasýning er hluti sviðsetningar tónverksins og með hljómsveitinni kemur breskur leikari til að taka þátt í flutningnum. Auk Thick As A Brick mun bandið flytja aðra þekkta Tull smelli og ekki er útilokað að eitthvað heyrist af væntanlegum diski sveitarinnar, sem kemur út sumarið 2012.

Thick as a Brick er heildstætt tónverk eftir Ian Anderson, foringja Jethro Tull,og kom út á fimmtu hljóðversplötu sveitarinnar. Sumir tónlistargagnrýnendur töldu Aqualung frá árinu 1971 vera slíkt verk (concept album). Ian Anderson var því ósammála og ákvað að semja raunverulegt „konsept-verk“ - sem varð Thick as a Brick. Hljómsveitin fylgdi útgáfunni eftir með tónleikaferð um heiminn árið 1972.

Thick as a Brick magnaði mjög vinsældir Jethro Tull og platan náði til dæmis fyrsta sæti bandaríska Billboard-listans. Eftir að tónleikaferðinni lauk 1972 hefur Jethro Tull ekki flutt Thick as a Brick á sviði þar til að það gerist 2012, fjörtíu árum síðar.

Bjarni Þór og félagar - tónleikar

Wed, 01 Feb 2012 16:52:57 GMT

Lögin hennar mömmu - heyr mitt ljúfasta

Mon, 30 Jan 2012 16:04:22 GMT

Lögin hennar Mömmu

Raggi Bjarna, Hera Björk og Bjarni Baldvins leiða saman hesta sína og flytja lögin sem að mömmur & ömmur rauluðu við heimilistörfin á 6. og 7.áratug síðustu aldar. Gamlar og góðar perlur á borð við Heyr mitt ljúfasta lag, Lóa litla á Brú, Fjórir kátir þrestir, Bjössi á Mjólkurbílnum, Vertu ekki að horfa ofl. ofl. dýrðlegar dægurflugur verða fluttar við dillandi undirleik hljómsveitar meistara Björns Thoroddsen, en hana skipa auk Björns, Vignir Þór Stefánsson, Jóhann Hjörleifsson og Jón Rafnsson.

Azealia Banks - Tónleikar

Thu, 26 Jan 2012 11:32:08 GMT

Azealia Banks til Íslands!
Tónleikar í Valsheimilinu að Hlíðarenda þann 6. júní nk.
Forsala aðgöngumiða hefst þann 3. febrúar nk. á midi.is

Það er með mikilli gleði sem við kynnum tónleika Azealiu Banks í Valsheimilinu að Hlíðarenda þann 6. júní nk.

Azealia Banks er aðeins 20 ára gömul. Þrátt fyrir það hefur þessi stúlka frá Harlem fengið verðskuldaða athygli. Fyrsta platan hennar kemur út með vorinu en lagið “212” hefur slegið í gegn úti um allan heim. Azealia hóf ferilinn sem dansari og leikari en vakti fyrst athygli sem söngkona með laginu “Seventeen” fyrir 2 árum. Í kjölfarið var gefið út lagið “L8R” og síðan rómuð útgáfa hennar á Interpol laginu “Slow Hands”

Það er því gríðarlegur fengur í komu Azealiu Banks til Íslands. Hún þykir hafa magnaða sviðsframkomu og þeir sem séð hafa myndbönd hennar eru algjörlega heillaðir. Þegar hún kom fram á Koko klúbbnum í London í desember ári ætlaði þakið hreinlega að fara af klúbbnum. Hún er á tónleikaferð um Bretland og er skemmst frá að segja að uppselt er á alla tónleika hennar.

Stjarna er fædd og við Íslendingar erum svo heppnir að vera með þeim fyrstu sem berja hana augum utan heimalandsins og Bretlands. Það má búast við hreint mögnuðum tónleikum í Valsheimilinu að Hlíðarenda í byrjun sumars!

Helgi Björns - og Reiðmenn vindanna

Wed, 25 Jan 2012 17:27:33 GMT

Helgi Björns og Reiðmenn Vindanna
í Bíóhöllinni Akranesi. 10.febrúar 2012

Frá því að fyrsta plata Helga Björns og Reiðmanna kom út hafa þeir notið dálæti þjóðarinnar, með því að sækja í sönglaga arfinn, fríska upp á gamla gimsteina sem þjóðin hefur sungið í gegnum áratugina og blandað saman gömlum hesta og útilegu söngvum, við dægurlög sem eiga sérstakan stað í þjóðarsálinni.

Hljómsveitina munu skipa:
Einar Valur Scheving
Jakob Smári Magnússon
Hrafn Thoroddsen
Stefán Már Magnússon

Létt stemmning verður svífandi yfir vötnum þetta föstudagskvöld og á ýmsu von, veitingar, söngvar og gleði einkunnarorðin.

Miðasala hefst fimmtudaginn 26. Janúar kl.12.00 á Midi.is

Söngvakeppni Sjónvarpsins 2012 - UPPSELT

Thu, 19 Jan 2012 14:14:50 GMT

Söngvakeppni Sjónvarpsins 2012
Úrslitin í Eldborgarsal Hörpu 11. febrúar

Úrslit Söngvakeppni Sjónvarpsins fara fram í Eldborgarsal Hörpu laugardaginn 11. febrúar og verða jafnframt í beinni útsendingu á RÚV. Kynnir og umsjónarmaður verður Brynja Þorgeirsdóttir og henni til halds og trausts verður greiningardeild Hljómskálans ásamt Sigtryggi Baldurssyni.

Unnendum Söngvakeppni Sjónvarpsins gefst kostur á að vera viðstaddir úrslitin í Eldborgarsal Hörpu.

Undanúrslitaþættirnir eru á RÚV þar sem fimm ný íslensk lög keppa í hverjum þætti og komast tvö þeirra áfram hverju sinni. Sex lög keppa því til úrslita í Eldborg og vinningslagið verður fulltrúi Íslands í Söngvakeppni evrópskra sjónvarpsstöðva í maí en keppnin í ár verður haldin í Bakú í Aserbaídsjan.

Á vef Söngvakeppninnar http://www.ruv.is/songvakeppni er hægt að hlusta á öll lögin, kynna sér keppendur og flytjendur og margt fleira.

Töfrahurð - Klassískt diskótek

Thu, 19 Jan 2012 12:19:57 GMT

18. mars Klassískt diskótek

Á þessum skemmtilegu tónleikum verður Salnum breytt í klassískt diskótek þar sem DJ Sóri mætir og kynnir fyrir okkur danstónlist sem er ef til vill ekki sú tónlist sem við dönsum yfirleitt við í dag, klassísk partítónlist fyrri alda og okkar daga. Hallveig Rúnarsdóttir, sópran, heldur uppi stuðinu og dansarar frá Listdansskóla Íslands dansa fyrir okkur við undirleik Skólahljómsveit Austurbæjar undir stjórn Vilborgar Jónsdóttur. Kynnar á tónleikunum eru leikararnir Sigurþór Heimisson og Kolbrún Anna Björnsdóttir. Allir fá að taka virkan þátt í skemmtuninni.

Tónleikarnir hefjast kl. 13:00 en kl. 12:30 verður dansupphitun í forsal Salarins og boðið er upp á hárgreiðslu fyrir úfna lubba. Allir eru hvattir til að mæta í grímubúningum, unga sem aldna, og þá helst í diskóstíl þar sem sólgleraugu eru staðalbúnaður og glansandi búningar.

13. janúar 2013 kl. 13:00

Í tilefni nýs árs munu Vínarvalsar hljóma í Salnum þegar boðið er upp á Vínardansleik. Boðið verður upp á danskennslu á tónleikunum þar sem helstu danssporin eru kennd, en einnig mun konungar valsanna, Jóhannes Strauss frá Vín, mæta á svæðið ásamt vini sínum Herra Mozart og fleirum. Skólahljómsveit Kópavogs undir stjórn Össurar Geirssonar mun spila talsvert í þrískiptum takti ásamt öðrum takttegundum og dansarar frá Listdansskóla Íslands sýna okkur hvernig á að dansa fallega. Kynnar á tónleikunum eru
leikararnir Kolbrún Anna Björnsdóttir og Sigurþór Heimisson.

Tónleikarnir hefjast kl. 13:00 en kl. 12:30 er boðið upp á fordrykk í forsal Salarins. Allir eru hvattir til að mæta í sínum bestu fötum, galakjól og smóking.

Lífsins karnival - Leiknir tónleikar

Wed, 18 Jan 2012 15:56:34 GMT

Stórsöngvarar í Samkomuhúsinu!

Flutt verður söngleikjatónlist og dægurlög í bland við óperuaríur í útsetningum Þorvaldar Bjarna Þorvaldssonar.

Kammermúsíkklúbburinn -

Mon, 16 Jan 2012 14:28:53 GMT

Kammermúsíkklúbburinn í Hörpu
19.febrúar í Norðurljósum

Kammermúsíkklúbburinn hefur starfað óslitið frá árinu 1957 og heldur nú tónleika sína í fyrsta sinn í Hörpu, en tónleikarnir eru jafnframt 55 ára afmælistónleika Klúbbsins. Á efnisskrá eru mjög fjölbreytt verk:

Jan Dismas Zelenka: Sónata nr. 4 í g-moll fyrir tvö óbó, fagott og fylgirödd

Georg Friedrich Handel:   Þrjá aríur úr Níu þýskum aríum fyrir sópran, fiðlu/óbó og fylgirödd:
      6. Meine Seele hört im Sehen;
      7. Die ihr aus dunklen Grüften den eitlen Mammon grabt;
      9. Flammende Rose, Zierde der Erden

Bela Bartók: Strengjakvartett nr. 4

Flytjendur eru Camerarctica kammerhópurinn, ásamt Mörtu Guðrúnu Halldórsdóttur sópran.

(Marta Guðrún Halldórsdóttir, sópran; Eydís Lára Franzdóttir og Peter Tompkins, óbó; Kristín Mjöll Jakobsdóttir, fagott; Hildigunnur Halldórsdóttir og Bryndís Pálsdóttir, fiðla; Svava Bernharðsdóttir, víóla; Sigurður Halldórsson, selló, Guðrún Óskarsdóttir, sembal.)

Jethro Tull Ian Anderson -

Mon, 09 Jan 2012 13:41:53 GMT

Jethro Tull Ian Anderson flytur Thick as a Brick
í Hörpu 21. júní!

Jethro Tull/Ian Anderson, leiðtogi sveitarinnar, hafa nokkrum sinnum áður komið fram á tónleikum á Íslandi, síðast árið 2009 og þá seldust aðgöngumiðarnir upp samdægurs!

Lífsdagbók ástarskálds - Konudagurinn

Wed, 04 Jan 2012 13:19:16 GMT

Lífsdagbók ástarskáldsins Páls Ólafssonar

Þórarinn Hjartarsson segir og syngur Lífsdagbók Páls í þessar hugljúfu sýningu. Skáldið Páll Ólafsson hefur fyrir löngu unnið hug og hjörtu ljóðelskra Íslendinga með sínum einstaklega vel ortu ljóðum um ástina, fuglana og það sem fallegast er og best í íslenskri náttúru. Þórarinn Hjartarsson hefur tekið þessi ljóð og raðað þeim saman í þannig að þau segja einstaka sögu Páls og þrá hans eftir stúlkunni sem hann elskar.

Flestir Íslendinga þekkja einhver ljóða Páls Ólafssonr - eða er til það íslenskt mannsbarn komið til vits sem ekki hefur heyrt „Lóan er komin að kveða burt sjóinn“? Í þessari nýju sýningu Þórarins verða frumflutt þrjú ný lög sem sérstaklega voru samin af þessu tilefni. Eitt þeirra er undurfallegt lag eftir Hróðmar Inga Sigurbjörnsson við Heiðlóukvæði Páls.

Páll ÓLafsson var bóndi og skáld austur á Héraði sem orti mikið og af knýjandi þörf. Ljóð Páls eru oft í ætt við dagbókarfærslur, stuttar stöðulýsingar ýmsit um innra líf hans eða ytri hagi. Sjálfur skrifaði
hann: "Mín ljóð eru minn innri maður en engin uppgerðarpóesí." Þegar þeim er raðað í tímaröð segja þau ævisögu. Eitt efni glímir hann við meira en önnur, ástina, og í dagskrá okkar hér er hún mjög í
brennidepli.

Sólstafir -

Mon, 02 Jan 2012 15:19:25 GMT

Hljómplatan Svartir Sandar flutt í heild sinni með gestahljóðfæraleikurum.

Rokkhljómsveitin Sólstafir sendi frá sér plötuna Svartir Sandar á haustmánuðum síðasta árs. Platan hefur fengið einróma lof gagnrýnenda, náð inn á metsölulista á Íslandi og Finnlandi, verið á fjölda lista yfir bestu rokkplötur ársins 2011 erlendis, og valin besta íslenska platan árið 2011 af Morgunblaðinu.

Svartir Sandar er metnaðarfullt verk, tvöföld hljómplata, sem er hlaðin grípandi og mögnuðu andrúmslofti.

Þann 9. febrúar munu Sólstafir, í fyrsta og þetta eina skipti, flytja plötuna í heild sinni - frá upphafi til enda.

James Taylor -

Thu, 15 Dec 2011 15:31:49 GMT

James Taylor
18.maí í Hörpu

James Taylor, einhver þekktasti söngvari og lagahöfundur 20. aldarinnar er væntanlegur til landsins. Taylor er án efa eitt áhrifamesta - og vinsælasta söngvaskáld sem fram hefur komið. Einstakur lagahöfundur og tónlistarmaður sem snert hefur kynslóð eftir kynslóð. Taylor öðlaðist frægð á áttunda áratugnum með lögum eins og hinu geysivinsæla „You've Got A Friend“ og „Fire and Rain“ en á þeim tíma gerði hann í raun hugtakið „singer/songwriter“ að haldbæru í huga almennings.

*Rolling Stone tímaritið kallar hann einn af þeim sem skapaði 20. öldina í tónlist.
*Hann er margfaldur Grammy verðlaunahafi.
*Hann er meðlimur í Rock-n-Roll Hall of Fame.
*Hann er Heiðursdoktor frá Berkley College of Music *Hann er meðlimur í Songwriters Hall of Fame

Tónleikarnir eru hluti af tónleikaferð James Taylor um alla Evrópu í vor

Volodos píanótónleikar -

Mon, 05 Dec 2011 17:32:38 GMT

Einleikstónleikar rússneska píanóleikarans Arcadi Volodos verða á dagskrá Listahátíðar í Reykjavík og fara fram í Eldborg, sunnudaginn 20. maí 2012 kl. 20.

Arcadi Volodos er talinn einstakur meðal píanóleikara og þykja tækni hans og tjáning óviðjafnanleg. Hann sver sig í ætt við gömlu meistarana hvað varðar frelsi í leik og tónmyndun. Að margra mati virðist tækni hans engin takmörk sett og hann á jafn auðvelt með að spila á tilfinningastrengi með undursamlegum einfaldleika og næmni og að framkalla stórkostlegar flugeldasýningar.

Efnisskrá á tónleikunum í vor:

·         Sónata í a-moll, D 784 (ópus 143) eftir Franz Schubert
·         Þrjú Intermezzo ópus 117 eftir Johannes Brahms
·         Sónata í h-moll eftir Franz Liszt

Verðlaun og viðurkenningar

Arcadi Volodos hlaut hin virtu verðlaun, Gramophone Award, fyrir nýjustu geislaplötu sína Volodos in Vienna árið 2010, sem bestu hljóðfæraupptöku ársins. Fyrsta geislaplata Volodos, sem kom út árið 1997, fékk frábærar viðtökur og innihélt m.a. verk eftir hann sjálfan. Platan var tilnefnd til fjölda verðlauna og fékk einstaka dóma og í kjölfarið var honum boðið að koma fram í mörgum af stærstu tónlistarhúsum heims. Volodos hefur leikið með þekktustu hljómsveitum og stjórnendum í heimi s.s. Fílharmóníunum í Berlín, New York, Ísrael og London.

Ummæli um Volodos

Ég hef lengi litið upp til Arcadi Volodos, hann er einstakur meðal núlifandi píanista. Það er mikill stórviðburður að fá hann á Listahátíð 2012.
Víkingur Heiðar Ólafsson

Volodos er goðsögn í lifanda lífi: fimur, kraftmikill og ljóðrænn. Það er langt síðan píanisti í þessum klassa hefur haldið einleikstónleika á Íslandi. Þetta verður tvímælalaust stórviðburður í íslensku tónlistarlífi.
Árni Heimir Ingólfsson, tónlistarfræðingur

Það er sjaldan sem okkur gefst tækifæri til að sjá slíkan yfirburðamann. Þetta eru tónleikar sem enginn unnandi píanósins getur látið fram hjá sér fara.
Lárus Jóhannesson, 12 tónum

Stórkostleg tækni – spilamennskan dásemd. The Guardian

Gylfi Ægisson - Á frívaktinni

Fri, 02 Dec 2011 14:48:23 GMT

Gylfi Ægisson flytur á frívaktinni sína bestu sjóaraslagara í tilefni sjómannadagsins. Nú verður stuð!

Karlakórinn Þrestir og gestir -

Wed, 30 Nov 2011 10:21:53 GMT

Karlakórinn Þrestir og gestir
19.febrúar í Eldborg

Nú er hafinn undirbúningur glæsilegrar afmælisöngveislu 19. febrúar 2012, en þá verða ákkúrat liðin 100 ár frá því að Karlakórinn Þrestir var stofnaður 19. febrúar 1912, í gamla barnaskólahúsinu í Hafnarfirði.

Til að minnast þessara tímamóta og þar með 100 ára karlakórastarfs á Íslandi, verður m.a. haldin viðamikil söngveisla í Eldborg, aðalsal tónleikahússins Hörpu í Reykjavík, undir stjórn Jóns Kristins Cortez, stjórnanda Þrasta. Fyrri hluta tónleikanna syngja Þrestir og einsöngvarar með Jónasi Þóri á flyglinum með og án dægursveitar. Eftir hlé koma svo saman sinfóníusveit undir stjórn Hjörleifs Valssonar, Þrestir, einsöngvarar, auk söngbræðra úr völdum karlakórum og mynda yfir 300 manna tónsveit sem ætlar að gera skil stóru kórverkunum, með stóru KÁI!!

Anna Vilhjálms - 50 ára söngafmæli

Tue, 22 Nov 2011 13:05:36 GMT

50 ára söngafmæli Önnu Vilhjálms

Á þessum tónleikum ætlar Anna að fara í gegnum söngferilinn sinn og taka vinsælustu og uppáhalds lögin sín. Einar Júlíusson, Bjarni Arason og Viðar Jónsson verða gestasöngvarar kvöldsins og hljómsveitina skipa þeir Vilhjámur Guðjónsson, Hilmar Sverrisson, Finnbogi Kjartasson, Ásgeir Óskarsson, Lárus Grímsson og Þorleifur Gíslason. Kynnir kvöldsins verður Þorgeir Ástvaldsson.

Söngfuglar - Jana María og gestir

Mon, 07 Nov 2011 15:14:15 GMT

Þetta eru fjórðu tónleikarnir í tónleikaröð Söngfuglanna. Að þessu sinni mun Jana María ásamt frábærum gestum sínum leiða tónleikagesti í áhugavert ferðalag aftur til fortíðar með söng og sögum.
Gestir Jönu Maríu eru þau Eyþór Ingi Gunnlaugsson, Orri Huginn Ágústsson, Bjarni Snæbjörnsson og Thelma Hrönn Sigurdórsdóttir

Það verða þau Ragnar Bjarnason og Sigrún Jónsdóttir sem verða í forgrunni á þessum tónleikum. Þau Raggi Bjarna sem eftir rúma hálfa öld í bransanum er ennþá að og Sigrún Jónsdóttir sem leiðandi var með sönghópnum Öskubuskunum, hafa markað djúp spor í dægurlagasögu þjóðarinnar allt til þessa dags.

Ekki missa af þessum skemmtilegu tónleikum með nostalgíuna svífandi yfir vötnum, stuði og jafnframt yndislegri stund í Salnum.

Fjölskylduferð á Skódanum -

Sat, 05 Nov 2011 09:33:58 GMT

Tónleikar til heiðurs Ingimari Eydal sem hefði orðið 75 ára í október síðastliðnum en þá slógu tónleikarnir í gegn og verða nú endurteknir á föstudaginn langa kl. 20. Þessi ferð í Skódanum hans Ingimars verður full af elskulegheitum og óvæntum uppákomum!

Ingimar Eydal var fæddur 20. október 1936 og hefði því orðið 75 ára í ár hefði hann lifað.
Yfirskrift tónleikanna er “Fjölskylduferð í Skódanum” sem er tilvísun í brandara sem gjarna var sagður af Ingimari en vísar líka til þess að þessir tónleikar munu líklega sýna fleiri hliðar á Ingimari en áður hafa komið fram og eiginlega ómögulegt að sjá fyrir um hvað gerist í þessari ferð á Skódanum.Tónlistar og hljómsveitarstjóri verður Karl Olgeirsson og með honum verður sannkallað stórskotalið eða þeir Gunnar Gunnarsson, Jón Rafnsson, Sigurður Flosason, Hannes Friðbjörnsson og Jón Elvar Hafsteinsson. Það eru svo þau Guðrún Gunnarsdóttir og Stefán Hilmarsson sem sjá um söng ásamt Ingu Eydal og Ingimari Birni Davíðssyni. Heiðursgestir verða svo söngvararnir ástsælu Helena Eyjólfsdóttir og Þorvaldur Halldórsson.
Kynnir verður Margrét Blöndal og mun hún með aðstoð sviðsgaldra ýmis konar leiða gesti inn í heim tónlistarinnar og þess andrúmslofts sem fylgdi þessum einstaka og dáða listamanni á lífsleiðinni. Andrúmslofts sem einkenndist af elskulegheitum og glaðværð. Víða verður komið við, rifjuð upp tónlist frá ýmsum æviskeiðum Ingimars, ef til vill sagðar af honum ein eða tvær sögur og ferðast svolítið með tímavélinni um gömlu Akureyri, þegar við áttum “Lindu, Kea, Amaro og SÍS”.

Maximús Músikús -

Tue, 01 Nov 2011 16:26:45 GMT

Sinfóníuhljómsveit Íslands
Maxímús bjargar ballettinum
Maxímús og ballettdansararnir

Stjórnandi: Bernharður Wilkinson
Einleikarar: Nemendur úr Listdansskóla Íslands
Sögumaður: Valur Freyr Einarsson
Alexander Glazunov: Veturinn
Pjotr Tsjajkovskíj: úr Þyrnirós
Maurice Ravel: Gæsamömmusvíta
Jórunn Viðar: Eldur

Í nýju ævintýri kynnist Maxímús Músíkús börnum sem hafa yndi af því að dansa. Hann verður himinlifandi þegar tónlistarhúsið fyllist af ungum dönsurum því að honum finnst svo gaman að dilla sér í takt við tónlistina. Hann gerist laumufarþegi með einu barnanna og fylgist heillaður með dansæfingum nemendanna og því hvernig tónlistin er túlkuð í hreyfingum. Börnin dansa við Þyrnirósu Tsjajkofskíjs og túlka með hreyfingum ævintýri á borð við Tuma Þumal, Fríðu og dýrið, Kínversku prinsessuna og Ævintýragarðinn í Gæsamömmusvítu Ravels. Sýningunni lýkur með Eldi eftir Jórunni Viðar sem var eitt fyrsta íslenska tónverkið sem samið var fyrir listdans.

Beethoven-Hringurinn IV - Aukatónleikar

Sat, 29 Oct 2011 16:18:54 GMT

Sinfóníuhljómsveit Íslands
Beethoven-hringurinn IV

Stjórnandi: Hannu Lintu
Einsöngvarar: Andrew Kennedy, Hulda Björk Garðarsdóttir, Nathalía Druzin Halldórsdóttir og Ágúst Ólafsson
Kór: Mótettukór Hallgrímskirkju
Ludwig van Beethoven: Sinfónía nr. 8 og Sinfónía nr. 9, Óðurinn til gleðinnar

Sinfóníuhljómsveitin lokar Beethovenhringnum. Tvær síðustu sinfóníum meistarans eru báðar meistaraverk hvor á sinn hátt. Sú níunda er eitt frægasta og áhrifamesta verk sígildrar tónlistar. Páll Ísólfsson komst þannig að orði í grein sinni um Beethoven frá árinu 1938: „Gleði og bræðralagi hefur aldrei verið sungið eins fagurlega lof og í 9. hljómkviðunni. Þess vegna er hún svo oft leikin við ýmis tímamót víðsvegar um heim. Því hvort heldur hún er leikin í Þýskalandi, Frakklandi, Englandi, Rússlandi: alls staðar snerta þessir tónar mannleg hjörtu, og fylla þau fögnuði vonarinnar um bætt kjör og betri örlög mannanna.“

Afturhvarf - Bergþórutónleikar

Wed, 19 Oct 2011 12:54:25 GMT

Afturhvarf

Tónleikar með völdu efni úr söngvsafni Bergþóru Árnadóttur verða í Hofi föstudaginn 17. febrúar kl. 20.

Sérstakur gestur á tónleikunum verður Pálmi Gunnarsson, söngvari og bassaleikari, sem starfaði með Bergþóru um árabil.
Bergþóra Árnadóttir (1948-2007) var einn af frumkvöðlum vísnatónlistar á Íslandi og lengi vel atkvæðamesta konan í hópi söngvaskálda. Í fyrstu samdi hún einkum lög við ljóð þekktra skálda, en seinna einnig tónlist við eigin texta. Á ferli sínum sendi hún frá sér allmargar hljómplötur og hélt fjölda tónleika hérlendis og í Skandinavíu.

Afturhvarf - Bergþórutónleikar

Tue, 20 Sep 2011 12:38:19 GMT

Bergþórutónleikar - Afturhvarf

Þrennir tónleikar með völdu efni úr söngvasafni Bergþóru Árnadóttur verða haldnir í febrúar 2012, fyrst í Salnum í Kópavogi á afmælisdegi Bergþóru 15.febrúar, en þar verða þeir endurteknir 16. febrúar, og síðan í menningarhúsinu Hofi á Akureyri föstudaginn 17. febrúar.

Á tónleikunum flytja valinkunnir tónlistarmenn mörg af þekktustu lögum Berþóru, en einnig lög sem sjaldan heyrast. Fram koma: Guðrún Gunnarsdóttir, söngur, Svavar Knútur, söngur, gítar og ukulele, Aðalsteinn Ásberg, söngur og gítar, Hjörleifur Valsson, fiðla, og Ástvaldur Traustason, píanó og harmóníka.
Sérstakur gestur á öllum tónleikunum verður Pálmi Gunnarsson, söngvari og bassaleikari, sem starfaði með Bergþóru um árabil.

Bergþóra Árnadóttir (1948-2007) var einn af frumkvöðlum vísnatónlistar á Íslandi og lengi vel atkvæðamesta konan í hópi söngvaskálda. Í fyrstu samdi hún einkum lög við ljóð þekktra skálda, en seinna einnig tónlist við eigin texta. Á ferli sínum sendi hún frá sér allmargar hljómplötur og hélt fjölda
tónleika hérlendis og í Skandinavíu.

Litla flugan - Lög Sigfúsar Halldórssonar

Mon, 29 Aug 2011 16:11:58 GMT

Litla flugan.
Föstudagur 10. febrúar KL. 20.00.

Egill Ólafsson, Stefán Hilmarsson, Hera Björk og hljómsveit undir stjór Björns Thoroddsens flytja sívinsæl lög Sigfúsar Halldórssonar.

Af fingrum fram - Jón Ólafs og gestir - Björgvin Halldórsson tæpitungulaus

Thu, 18 Aug 2011 15:01:45 GMT

Af fingrum fram
Fernir tónleikar á aðeins 11.600 kr.
Jón Ólafsson fær til sín gesti og laðar fram þægilega og létta stemningu eins og honum einum er lagið. Einstakir spjalltónleikar þar sem áhorfendur komast í nálægð við tónlistarmenn sem aldrei fyrr. Veldu fjóra af sjö tónleikum Af fingrum fram og tryggðu þér ánægjulegar kvöldstundir í vetur.

22. september kl. 20:30
Magnús og Jóhann í 40 ár
Lög Magnúsar Þórs Sigmundssonar og Jóhanns Helgasonar eru öllum kunn og eiga þeir fjölda frásagna í forum sínum en þeir eiga einmitt 40 ára starfsafmæli á þessu ári.?

12. október kl. 20:30
Magnús Kjartansson sextugur
Magnús hefur fært okkur ótal dægurlagaperlur og það er vel við hæfi á 60 ára afmæli kappans að þeir J’on taki saman lagið á tvo flygla. Einstök kímnigáfa magnúsar mun áreiðanlega setja svip sinn á kvöldið.?

10. nóvember kl. 20:30
Páll Óskar engum líkur
Páll Óskar vann hjörtu áheyrenda sem aldrei fyrr á tvennum tónleikum með J’oni s.l. vor og endurtekur nú leikinn þar sem færri komust að en vildu.

9. febrúar kl. 20:30
Ellen Kristjánsdóttir í trúnaði
Ellen er ein ástsælasta söngkona landsins. Hún hefur sungið með Ljósunum í bænum, Mannakornum, Borgardætrum ofl. Lög í hennar flutningi eru sem konfekt fyrir eyrað.

23. febrúar kl. 20:30
Eivør Pálsdóttir á einlægum nótum
Eivør hefur hrifið landann undanfarin ár með einlægri og persónulegri tónlist sinni. Í lagasmið sinni hefur hún farið ótroðnar slóðir og það verður fróðlegt að kynnast persónunni á bak við tónlistina.
9. mars kl. 20:30
Stefán Hilmarsson opnar sig
Stefán hefur verið í fremstu röð íslenskra flytjenda um langa hríð auk þess að vera afkastamikill höfundur. Hann rifjar upp ógleymanleg augnablik með Jóni auk þess að fylla salinn bjrtri tenórrödd.

22. mars kl. 20:30
Björgvin Halldórsson tæpitungulaus
Björgvin heillaði áhorfendur Af fingrum fram í vor með sinni einstöku kímnigáfu og frásagnargleði. Verða tónleikarnir nú endurteknir vegna mikillar eftirspurnar.

Af fingrum fram - Jón Ólafs og gestir - Stefán Hilmarsson opnar sig

Thu, 18 Aug 2011 14:51:05 GMT

Af fingrum fram - Jón Ólafs og gestir - Eivør Pálsdóttir á einlægum nótum

Thu, 18 Aug 2011 14:21:16 GMT

Af fingrum fram - Jón Ólafs og gestir - Ellen Kristjánsdóttir í trúnaði

Thu, 18 Aug 2011 14:12:58 GMT

Evróvisjón -

Thu, 11 Aug 2011 01:52:28 GMT

Evróvisjón

Hér gefst frábært tækifæri til að koma sér í réttu Evróvisjón- stemminguna.

Sinfóníuhljómsveit Norðurlands í samstarfi við Tónlistarskólann á Akureyri og þekkta Evróvisjónsöngvara mun flytja gömul og ný Evróvisjónlög. Áheyrendur verða ekki sviknir!

Vinsamlegast athugið að forsöluverð birtist sjálfkrafa í þriðja skrefi kaupaferlisins.

Bretland-Ísland (tón)leikur -

Thu, 11 Aug 2011 01:48:06 GMT

Bretland-Ísland (tón)leikur
Michael Jón Clarke og Þórarinn Stefánsson tefla saman breskri og íslenski söngtónlist.
Flutt verða tónverk beggja landa, tónverk Íslendinga sem búið hafa í Bretlandi, verk Breta sem búið hafa lengi á Íslandi, svo og íslensk tónverk með enskum texta og öfugt.
Spurningin er: Hve vinnur ?

Óskar Pétursson og gestir -

Thu, 11 Aug 2011 01:43:46 GMT

Óskar Pétursson og gestir

Óskar Pétursson tekur á móti landsþekktum listamönnum við undirleik hljómsveitar skipuð norðlensku tónlistarfólki.

Söngskemmtun þar sem óbeislaður húmor og léttleiki verður í fyrirrúmi.

Stórtónleikar á skírdag (SN) -

Thu, 11 Aug 2011 01:38:08 GMT

Sinfóníuhljómsveit Norðurlands og Ungsveit Sinfóníuhljómsveitar Íslands halda stórtónleika ásamt einleikaranum Sæunni Þorsteinsdóttur.

Sæunn Þorsteinsdóttir sem hefur getið sér gott orð víða um heim með sellóleik sínum flytur Sellókonsertí e-moll eftir Edward Elgar. Á efnisskrá verður einnig Sinfónía nr. 5 eftir Shostakovich. Eins og nafnið á tónleikunum bendir til mega áheyrendur búast við kraftmiklum og glæsilegum konsert.

Sæunn Þorsteinsdóttir er fædd í Reykjavík árið 1984. Hún hóf tónlistarnám fjögurra ára við forskóla Tónlistarskólans á Akureyri. Árið 2006 útskrifaðist hún með Bachelor gráðu frá Cleveland Institute of Music með hæstu einkunn og árið 2008 lauk hún meistaranámi sínu við Juilliard tónlistarháskólann í New York.

Sæunn býr nú í New York og hefur mikið komið fram í Bandaríkjunum, víða í Evrópu og hér heima sem flytjandi kammertónlistar, meðal annars með Itzhak Perlman, Kim Kashkashian, Mitsuko Uchida, Cavani kvartetinum, sem og meðlimum the Guarneri Quartet. Undanfarið hefur Sæunn verð meðlimur Ensemble ACJW sem er samvinnuverkefni Carnegie Hall, Juilliard tónlistarháskólans og Weill Music stofnunarinnar með stuðningi menntasviðs New York borgar. Hópurinn kemur reglulega fram í Carnegie Hall og í skólum borgarinnar.

Sæunn hefur einnig komið fram sem einleikari með m.a. Des Moines Symphony, Great Lakes Chamber Orchestra Silesian Philharmonic í Póllandi, Colombian Youth Philharmonic í Kólumbíu og Sinfóníuhljómsveit Íslands.

Sæunn hefur lagt áherslu á flutning nýrrar tónlistar og hefur frumflutt fjölda verka, meðal annars verk sérstaklega samin fyrir hana af Daníel Bjarnasyni og Nicholas Csicsko.

Sæunn hefur hlotið fjölda verðlauna og viðurkenninga, svo sem Janigro Family and Romanini Foundation verðlaunin við Antonio Janigro International Cello Competition í Sagreb og Zara Nelsova verðlaunin við Naumburg Competition í New York árið 2008.

Vinsamlegast athugið að forsöluverð birtist sjálfkrafa í þriðja skrefi kaupaferlisins.

Hymnodia - Dido og Aeneas -

Thu, 11 Aug 2011 01:31:19 GMT

Hymnodia - Dido og Aeneas

Hymnodia flytur barokkóperuna Dido og Aeneas eftir Purcell ásamt hljómsveit.

Einsöngvarar koma allir úr röðum kórsins.

Stjórnandi er Eyþór Ingi Jónsson.

Stuðlar - mars -

Thu, 11 Aug 2011 01:27:26 GMT

Kammertónleikar í Hömrum þar sem hljóðfæraleikarar SN koma fram.

Hér gefst gott tækifæri til að eiga notalega kvöldstund og njóta ört hækkandi sólar.

Vinsamlegast athugið að forsöluverð birtist sjálfkrafa í þriðja skrefi kaupaferlisins.

SN - Frumflutningur! -

Wed, 10 Aug 2011 14:46:11 GMT

Frumflutningur!

Það er mikill heiður fyrir Sinfóníuhljómsveit Norðurlands að fá tækifæri til að frumflytja píanókonsert eftir Jón Ásgeirsson með einleikaranum Peter Máté en Jón samdi konsertinn sérstaklega fyrir hann.

Á efnisskránni verða einnig Sinfónía nr. 7 eftir Beethoven og forleikurinn Fingalshellir eftir Mendelssohn.

Peter Máté er af ungversku bergi brotinn en hann var fæddur í Rožnava í Tékkóslóvakíu. Hann stundaði píanónám frá ungum aldri og lauk kennaraprófi frá Konservatoríunni í Košice og einleikara- og mastersgráðu úr Tónlistarakademíunnni í Prag. Á námsárunum vann hann til margra verðlauna í heimalandi sínu og síðar í alþjóðlegum keppnum. Peter hefur verið búsettur á Íslandi frá árinu 1990, fyrst á Stöðvarfirði svo Álftanesi og loks í Kópavogi. Hann hefur starfað við marga skóla en kennir nú við Listaháskóla Íslands og Tónlistarskólann í Reykjavík. Peter hefur haldið fjölda einleikstónleika, leikið einleik með ýmsum sinfóníuhljómsveitum og tekið þátt í kammertónleikum víða í Evrópu og Bandaríkjunum.

Vinsamlegast athugið að forsöluverð birtist sjálfkrafa í þriðja skrefi kaupaferlisins.

Tíbrá: Imaginary numbers & Prokofiev - Una, Þórunn Ósk, Matthías, Rúnar og Borgar.

Tue, 07 Jun 2011 13:15:06 GMT

IMAGINARY NUMBERS OG PROKOFIEV KVINTETTINN

Una Sveinbjarnardóttir, Þórunn Ósk Marínósdóttir, Matthías Nardeau, Rúnar Óskarsson og Borgar Magnason.

Nýtt verk eftir Borgar Magnason, Imaginary numbers, verður frumflutt á tónleikunum. Borgar hefur fram til þessa unnið náið með myndlistarmönnum og samið tónlist fyrir ýmiskonar sviðsverk. Imaginary numbers er hins vegar kvintett saminn fyrir fiðlu, víólu, óbó, klarinett og kontrabassa. Á efnisskrá tónleikanna er jafnframt hinn magnaði kvintett Prokofievs op. 39. Líkt og í tónsmíð Borgars er heldur óvanaleg hljóðfæraskipan í verki Prokofievs og því heyrist verkið sjaldan á tónleikum. Nú gefst gestum Tíbrár kostur á að heyra þessi tvö verk flutt af úrvals tónlistarmönnum.

Efnisskrá:

Imaginary numbers eftir Borgar Magnason
Kvintett op. 39 eftir Prokofiev

Tíbrá: Frönsk svíta og sónötur - Matthías Birgir og Anna Guðný

Tue, 07 Jun 2011 13:08:42 GMT

FRÖNSK SVÍTA OG SÓNÖTUR FYRIR ÓBÓ OG PÍANÓ

Matthías Birgir Nardeau og Anna Guðný Guðmundsdóttir

Matthías Birgir Nardeau hefur vakið verðskuldaða athygli fyrir óbóleik undanfarin misseri og hlotið einróma lof gagnrýnenda jafnt sem áheyrenda. Á tónleikunum mun hann ásamt píanóleikaranum Önnu Guðnýju Guðmundsdóttur bjóða upp á verk eftir frönsk tónskáld frá fyrri hluta tuttugustu aldarinnar.

Efnisskrá:

Maurice Ravel: Le tobeau de Couperin í útsetningu fyrir óbó og píanó
Camille Saint-Saëns: Sónata fyrir óbó og píanó op. 166
Francis Poulenc: Sónata fyrir óbó og píano (1962)
Henri Dutilleux: Sónata fyrir óbó og píanó (1947)

Tíbrá: Aríur og ljóð - Bylgja Dís og Marco Beluzzi

Mon, 06 Jun 2011 16:58:49 GMT

ARÍUR OG LJÓÐ
Bylgja Dís Gunnarsdóttir og Marco Beluzzi

Bylgja Dís Gunnarsdóttir flytur fjölbreytta efnisskrá þar sem dramatísk sópranrödd hennar nýtur sín til fullnustu við píanóleik Ítalans Marco Beluzzi. Marco kemur í fyrsta sinn fram á tónleikum Tíbrár. Á efnisskrá tónleikanna verða undurfagrir ljóðasöngvar í bland við einstakar aríur úr ýmsum óperum.

Efnisskrá:

Gioachino Rossini (1792-1868)
La Regata veeziana
Anzoleta avanti la Regata
Anzoleta co passa la Regata
Anzoleta dopo la Regata
Edvard Grieg (1843-1907)

Med en vandlilje op. 25 nr. 4
Langs ei Å op. 33 nr. 5
Mens jeg venter op. 60 nr. 3
Jeg elsker Dig op. 5 nr. 3
Franz Liszt (1859-18671)
Die Lorelei
C. M. Von Weber (1786-1826)
Wie nachte mir der Schlummer - aría Agathe úr Der Freishütz

Richard Strauss (1864-1949)
Befreit
Mit deinen Blauen Augen
Morgen
Giacomi Puccini (1858-1829)
Vissi d‘arte – aría Toscu úr samnefndri óperu
Giuseppe Verdi (1813-1901)
Pace, pace mio Dio – aría Leonoru úr La Forza del Destino

Tíbrá: Gyðingaljóðaflokkur - Shjostakovitsj - Frestað

Mon, 06 Jun 2011 16:52:02 GMT

GYÐINGALJÓÐAFLOKKUR EFTIR SHJOSTAKOVITSJ

Nathalía Druzin Halldórsdóttir, Snorri Wium, Þóra Einarsdóttir og Nína Margrét Grímsdóttir

Hinn einstaki Gyðingaljóðaflokkur op.79 eftir Shjostakovitsj fyrir sópran, alt, tenór og píanó verður fluttur í fyrsta skipti á Íslandi af einvalaliði flytjenda. Að auki verða á efnisskránni sönglög og aríur eftir meðal annarra Tsjækovskí, Glinka, Mussorgsky og Rachmaninov. Tónleikar sem enginn sannur tónlistarunnandi á að láta fram hjá sér fara.

Rómeó og Júlía -

Tue, 24 May 2011 20:08:00 GMT

Sinfóníuhljómsveit Íslands
Rómeó og Júlía á Listahátíð í Reykjavík

Hector Berlioz: Rómeó og Júlía
Ilan Volkov hljómsveitarstjóri
Guðrún Jóhanna Ólafsdóttir, Sveinn Dúa Hjörleifsson, Nicolas Cavallier einsöngvarar
Hljómeyki, Kór Áskirkju, Söngsveitin Fílharmónía, Magnús Ragnarsson kórstjóri

Sinfóníuhljómsveitin flytur nú Rómeó og Júlíu eftir franska meistarann Hector Berlioz. Þetta einstaklega frumlega og forvitnilega verk er nú flutt í fyrsta sinn á Íslandi. Hér er sinfóníuformið teygt í ýmsar áttir svo úr verður eins konar bræðingur hljómsveitarverks og óperu. Sveinn Dúa Hjörleifsson hefur vakið hrifningu fyrir silkimjúka tenórrödd sína og Guðrún Jóhanna Ólafsdóttir hefur unnið til fjölda verðlauna fyrir söng sinn. Franski bassasöngvarinn Nicolas Cavallier fer með hlutverk Bróður Lárens í þessari uppfærslu og kemur beint til Íslands eftir að hafa sungið í Rómeó og Júlíu við Bastilluóperuna í París.

Hringadróttinssinfónían - UPPSELT

Tue, 24 May 2011 20:01:56 GMT

Sinfóníuhljómsveit Íslands
Hringadróttinssinfónían

Howard Shore: Lord of the Rings Symphony
Ludwig Wicki: hljómsveitarstjóri
Kaitlyn Lusk: einsöngvari
Hljómeyki, Kór Áskirkju, Söngsveitin Filharmónía, Stúlknakór Reykjavíkur
Margrét Pálmadóttir, Magnús Ragnarsson kórstjórar

Sinfóníhljómsveit Íslands leikur tónlistina úr kvikmyndum Peters Jackson um Hringadróttinssögu Tolkien. Tónskáldið Howard Shore tónsetti myndirnar og vann m.a. til Óskarsverðlauna 2002 og 2004 fyrir framlag sitt. Undanfarin ár hefur tónleikaútgáfa verksins farið sigurför um heiminn og slegið aðsóknarmet hjá ýmsum hljómsveitum. Þetta verða stórglæsilegir tónleikar þar sem fram koma einsöngvarar, fjórir kórar og fjöldi óvenjulegra hljóðfæra, auk þess sem myndefni sem tengist kvikmyndunum og sögu Tolkiens verður varpað á tjald í Eldborg. Svissneska tónskáldið Ludwig Wicki hefur stýrt þessu stórvirki í London, New York og víðar.

Maximús Músikús - Litli tónsprotinn

Tue, 24 May 2011 13:19:10 GMT

Sinfóníuhljómsveit Íslands
Maxímús bjargar ballettinum
Maxímús og ballettdansararnir

Úti í náttúrunni - Litli tónsprotinn

Tue, 24 May 2011 13:17:37 GMT

Sinfóníuhljómsveit Íslands
Úti í náttúrunni
Upp í sveit með Sinfó

Stjórnandi: Bernharður Wilkinson
Einleikari: Sif Tulinius
Sögumaður: Halldóra Geirharðsdóttir
Antonio Vivaldi: úr Árstíðunum
Nikolaj Rimsky-Korsakov: Býflugan
Johann Strauss: Þrumur og eldingar
Ludwig van Beethoven: úr Sveitasinfóníunni
Bedrich Smetana: Moldá

Hvað er yndislegra en að njóta þess að eiga góðan dag í fallegri náttúru? Jú, kannski að heyra dásamlega tónlist sem er innblásin af náttúrunni og á þessum tónleikum hljóma nokkur slík verk. Í Árstíðum Vivaldis heyrum við fuglasöng að vori og dramatíska sumarstorma, í Sveitasinfóníu Beethovens hljómar heilmikið þrumuveður og sama er uppi á teningnum í annars fjörugum polka Johanns Strauss. Býfluga Rimskíj-Korsakovs, eflaust frægasta skordýr tónlistarsögunnar, flýgur suðandi um sal Eldborgar. Auk þess fylgjumst við með ánni Moldá flæða gegnum töfrandi landslag í vinsælu verki tónskáldsins Smetana. Einleikari í köflum úr Árstíðum Vivaldis er Sif Tulinius, aðstoðarkonsertmeistari Sinfóníunnar.

Elvis Costello - Tónleikum frestað til 10 júní 2012

Tue, 26 Apr 2011 10:55:02 GMT

Elvis Costello
Einstök Kvöldstund með Costello í Hörpu

Grammy- verðlaunahafinn og tónlistarkamelljónið Elvis Costello heldur tónleika í tónlistarhúsi Reykjavíkur Hörpu 21. nóvember næstkomandi. Costello á að baki einhvern litríkasta tónlistarferil sem sögur fara af. Hann ögrar sér og aðdáendum sínum á hverju ári og spannar ferill hans allt frá ný pönki yfir í létt sveiflu og samstarfi við meistara Tony Bennett

Koma Costello til landsins er mikill fengur fyrir tónilstarunnendur. Costello er einn á sviðinu á þessum tónleikum og á heimasíðunni hans elviscostello.is er hægt að leggja inn óskalög fyrir tónleikanna sem er spennandi nýjung. Lög meistarans sem eru mörg orðin algjörlega ódauðleg og nægir þar að nefna She úr Notting Hill myndinni, Olivers Army, Alison, Veronica og fleiri og fleiri. Það er því ljóst að kvöldstund með Elvis Costello í Hörpu mun seint líða úr minni tónlistarunnenda.

Uppáhalds Mozart - Græn - Tónleikaröð

Wed, 23 Mar 2011 12:45:46 GMT

Sinfóníuhljómsveit Íslands
Uppáhalds Mozart

Stjórnandi: Bernard Labadie
Einleikari: Mihaela Ursuleasa
W.A. Mozart: Brúðkaup Fígarós, forleikur
Píanókonsert nr. 21 í C-dúr, K. 467 og Sinfónía nr. 41 í C-dúr (Júpíter)

Rúmenski píanóleikarinn Mihaela Ursuleasa var aðeins sextán ára gömul þegar hún bar sigur úr býtum í Clöru Haskil-keppninni, og síðan hefur vegur hennar vaxið með hverju árinu. Konsert Mozart í C-dúr K. 467 er með þeim allra vinsælustu. Júpíter-sinfónían var sú síðasta sem Mozart samdi, sumarið 1789 þegar hann var skuldum vafinn og ferill hans hafði náð botninum. Tónlistin ber þess engin merki, og sköpunargáfu tónskáldsins virðast engin mörk sett. Bernard Labadie hefur sérhæft sig í tónlist barokk- og klassíska tímans með afbragðs árangri enda er hann einkar eftirsóttur af hljómsveitum um allan heim.

Eftirlætis Barokk - Græn - Tónleikaröð

Wed, 23 Mar 2011 12:44:42 GMT

Sinfóníuhljómsveit Íslands
Eftirlætis barokk

Stjórnandi: Enrico Casazza
Einleikari: Enrico Casazza
Einsöngvari: Simone Kermes
Arcangelo Corelli: Concerto grosso op. 6 nr. 4
G.F. Händel: Óperuaríur
Antonio Vivaldi: Óperuaríur
Antonio Vivaldi: Fiðlukonsertar í D-dúr og e-moll

Sópransöngkonan Simone Kermes er einstök í sinni röð. Vald hennar á röddinni er með eindæmum, jafnt í ljóðrænum söng sem hröðustu tónarunum. Hún syngur með þvílíkri innlifun að leitun er að öðru eins. Kermes hefur valið glæsilegar aríur Händel og Vivaldi sem henta rödd hennar fullkomlega. Sinfónían leikur m.a. nokkra konserta eftir Vivaldi. Af nógu er að taka enda samdi „rauði presturinn“ yfir 500 einleikskonserta. Enrico Casazza leiðir Sinfóníuna að þessu sinni auk þess sem hann leikur einleik í tveimur konsertum. Hann á að baki langt samstarf við virta barokksöngvara auk þess sem hann mundar fiðluna á verðlaunadiskum Simone Kermes.

Beethoven-Hringurinn IV - Rauð - Tónleikaröð

Wed, 23 Mar 2011 12:37:36 GMT

Sinfóníuhljómsveit Íslands
Beethoven-hringurinn IV

Mozart - Veisla - Rauð - Tónleikaröð

Wed, 23 Mar 2011 12:36:22 GMT

Sinfóníuhljómsveit Íslands
Mozart-veisla

Stjórnandi: Paul McCreesh
Einleikarar: Elfa Rún Kristinsdóttir, Lise Berthaud
Einsöngvarar: Miah Persson; Lisa Milne, Andrew Staples og Ágúst Ólafsson
Kór: Mótettukór Hallgrímskirkju, Hörður Áskelsson kórstjóri
W.A. Mozart: Sinfonia concertante og Messa í c-moll

Paul McCreesh er í fremstu röð þeirra sem sérhæfa sig í tónlist barokks og klassíkur. Hann vakti mikla hrifningu er hann stjórnaði Sköpuninni eftir Haydn á tónleikum Sinfóníunnar 2009. McCreesh snýr aftur með Mozart-veislu í farteskinu. Messan í c-moll var stærsta tónsmíð Mozarts fyrir kór og hljómsveit, að undanskilinni sálumessunni sem hann náði ekki að ljúka. Annað eins einvalalið einsöngvara og einleikara hefur sjaldan sést á tónleikum hérlendis. Sænska sópransöngkonan Miah Persson, skoska sópransöngkonan Lisa Milne, Andrew Staples og Ágúst Ólafsson syngja. Elfa Rún Kristinsdóttir og Lise Berthaud leika einleik í Sinfonia Concertante fyrir fiðlu, viólu og hljómsveit.

Hilary snýr aftur - Rauð - Tónleikaröð

Wed, 23 Mar 2011 12:35:08 GMT

Sinfóníuhljómsveit Íslands
Hilary snýr aftur

Stjórnandi: Peter Oundjian
Einleikari: Hilary Hahn
Claude Vivier: Orion
W.A. Mozart: Fiðlukonsert nr. 4
Dmitríj Sjostakovitsj: Sinfónía nr. 11

Hin magnþrungna sinfónía nr. 11 eftir Sjostakovitsj hefur verið kölluð „kvikmyndatónlist án kvikmyndarinnar.“ Hún lýsir því þegar Rússakeisari sigaði hermönnum sínum á mótmælendur í Pétursborg árið 1905. Bandaríska fiðlustjarnan, Hilary Hahn sló í gegn með Sinfóníuhljómsveitinni í fyrra og lét strax í ljós ósk sína að leika í Hörpu. Hún hefur leikið hinn sólríka fiðlukonsert Mozarts víða um heim. Claude Vivier þótti eitt efnilegasta tónskáld sinnar kynslóðar þegar hann var myrtur á hrottafenginn hátt 1983. Stjórnandinn Peter Oundjian lærði á fiðlu hjá Itzhak Perlman og var fyrsti fiðluleikari Tókýó-strengjakvartettsins um fjórtán ára skeið. Hann er nú aðalstjórnandi Skosku þjóðarhljómsveitarinnar.

Mozart með Christine Schafer - Gul - Tónleikaröð

Wed, 23 Mar 2011 12:26:42 GMT

Sinfóníuhljómsveit Íslands
Mozart og Schäfer

Stjórnandi: Ilan Volkov
Einsöngvari: Christine Schäfer
Jón Nordal: Adagio
Alban Berg: Altenberg-Lieder
W.A. Mozart: Non mi dir, úr Don Giovanni og Misera, dove son, K. 369
Franz Schubert: Ófullgerða sinfónían

Christine Schäfer er ein dáðasta sópransöngkona Þýskalands. Nýverið söng hún í Rosenkavalier í Metropolitan-óperunni þar sem hún þurfti að verjast ágengni Kristins Sigmundssonar í hlutverki Ochs baróns. Adagio eftir Jón Nordal var frumflutt árið 1966 og þykir eitt hans allra besta verk: fágað, ljóðrænt og heilsteypt. Það er í uppáhaldi hjá nýjum aðalstjórnanda hljómsveitarinnar sem óskaði sérstaklega eftir að stjórna því á fyrsta ári sínu. Ófullgerða sinfónía Schuberts er lokapunkturinn aftan við starfsár hljómsveitarinnar. Þessi stórkostlega tónsmíð, í tveimur þáttum en ekki fjórum eins og almennt tíðkaðist á 19. öld, fékk aldrei að hljóma meðan Schubert lifði.

Beethoven-Hringurinn III - Gul - Tónleikaröð

Wed, 23 Mar 2011 12:23:55 GMT

Sinfóníuhljómsveit Íslands
Beethoven-hringurinn III

Stjórnandi: Hannu Lintu
Ludwig van Beethoven: Sinfónía nr. 6, Sveitasinfónían og Sinfónía nr. 7

Á þriðju tónleikunum í Beethoven-hring Sinfóníunnar hljóma tvær vinsælar sinfóníur meistarans. Eftir hina hádramatísku fimmtu sinfóníu venti hann kvæði sínu í kross og samdi Sveitasinfóníuna „Minningar um sveitalífið.“ Fuglakvak, glaðværir sveitadansar, ógnvænlegt þrumuveður og ljúfir hjarðsöngvar eru meðal þess sem heyrist. Sjöunda sinfónía Beethovens er einhver glaðværasta og fjörugasta tónlist sem meistarinn festi á blað enda einkennist verkið af rytmískri spennu í bland við léttar og leikandi laglínur. Þekktastur er án efa hægi kaflinn, sem oft hefur hljómað í kvikmyndum, meðal annars undir hápunkti myndarinnar The King’s Speech þar sem Georg VI Bretlandskonungur ávarpar þjóð sína við upphaf heimsstyrjaldarinnar síðari.

Sigrún spilar Sjostakovitsj - Gul - Tónleikaröð

Wed, 23 Mar 2011 12:18:08 GMT

Sinfóníuhljómsveit Íslands
Sigrún spilar Sjostakovitsj

Stjórnandi: Pietari Inkinen
Einleikari: Sigrún Eðvaldsdóttir
Dmitríj Sjostakovitsj: Fiðlukonsert nr. 1
Jean Sibelius: Sinfónía nr. 2

Pietari Inkinen vakti gríðarlega hrifningu hljóðfæraleikara og tónleikagesta er hann stjórnaði SÍ í febrúar 2010 og var honum samstundis boðið að koma aftur við fyrsta tækifæri. Önnur sinfónía Sibeliusar er hans vinsælasta, og ekki að ástæðulausu. Vorið 1900 dvaldi hann á Ítalíu þar sem hann töfraði fram glaðlega tóna sinfóníunnar. Sigrúnu Eðvaldsdóttur er varla þörf á að kynna. Hún hefur löngu spilað sig inn í hjörtu landsmanna með tilfinningaþrunginni túlkun. Fyrri fiðlukonsert Sjostakovitsj er eitt hans áhrifamesta verk, og einn glæsilegasti fiðlukonsert 20. aldarinnar. Þó varð hann til á einhverjum erfiðasta tímanum á ferli tónskáldsins.