midi.is

Sadly this information does not exist in your language.

Gjafakort Listahátíðar

Listahátíð í Reykjavík gefur út sérprentuð gjafakort sem gilda sem greiðsla upp í miða á viðburði hátíðarinnar í vor sem haldin verður 20. maí – 5. júní 2011.

Á hátíðinni verður að vanda margt um glæsilega viðburði, innlenda og erlenda. Má þar nefna tónleika þýska stórtenórsins Jonasar Kaufmann með Sinfóníuhljómsveit Íslands þann 21. maí 2011 í Hörpu. Kaufmann er einn eftirsóttasti tenór heims í dag og er nú á hátindi ferils síns. Hann hefur komið fram í öllum helstu óperuhúsum og á tónleikum víða um heim og því er mikið gleðiefni að hann muni halda opnunartónleika á Listahátíð í Reykjavík í vor.

Hægt er að velja um gjafakort að upphæð 2.500, 5.000 og 10.000 krónur.

Gjafakortin eru send í pósti eða þau má nálgast á skrifstofu Listahátíðar í Gimli, Lækjargötu 3, sími 561 2444. Afgreiðslutímar alla virka daga frá kl. 9.00 til 16.00.