midi.is

Sadly this information does not exist in your language.

SÚLDARSKER aftur á svið í Tjarnarbíó
SÚLDARSKER er nýtt leikrit eftir Sölku Guðmundsdóttur sem frumsýnt var í Tjarnarbíói í janúar 2011. Sýningin hlaut mikið lof gagnrýnanda og áhorfenda og fékk hún tvær tilnefningar til Grímunar á síðasta ári. Vegna anna þurfti að hætta sýningum fyrir fullu húsi en nú verður boðið upp á tvær aukasýningar í lok mars.
Verkið er ærslafull, tragíkómísk ráðgáta sem gerist í einangruðu bæjarfélagi sem á sér ógnvænlegt leyndarmál.

Tveimur aðkomukonum skolar upp á hið grámyglulega Súldarsker í ólíkum erindagjörðum. Koma þeirra setur samfélagið úr skorðum og hrindir af stað æsispennandi atburðarás þar sem við sögu koma gamlir vitaverðir, bæjarhátíðin Hryssingsdagar, árásargjarnir mávar, krullumót í félagsheimilinu og síðast en ekki síst leyndardómar hinnar ógangsettu kassettuverksmiðju sem gnæfir yfir samfélaginu.

Leikstjóri: Harpa Arnardóttir
Leikarar: Aðalbjörg Árnadóttir og Maríanna Clara Lúthersdóttir
Tónlist: Ólafur Björn Ólafsson
Leikmynd: Brynja Björnsdóttir
Lýsing: Egill Ingibergsson
Búningar: Þórunn Elísabet Sveinsdóttir
Förðun: Svanhvít Valgeirsdóttir
Sýningin hlaut **** í fréttablaðinu frá Elísabet Brekkan