midi.is

Kammersveitin Ísafold leikur fjögur verk eftir ungverska tónskáldið György Ligeti en hann var upphafsmaður margra nýrra stíla í tónlist 20. aldar og var eitt vinsælasta tónskáld sinnar tíðar. Margir hafa kynnst tónlist Ligetis án þess að gera sér grein fyrir því. Leikstjórinn Stanley Kubrick notaði til að mynda sálumessu Ligetis til að framkalla magnþrungna spennu í kvikmyndinni "2001 Space Odyssey" en undirstrikaði dulúðina í "Eyes Wide Shut" með þætti úr naumhyggjupíanóverkinu Musica ricercata. Ligeti lést árið 2006 en flest verka hans eru fyrir löngu orðin ódauðleg.

Tónleikarnir verða með óvenjulegu sniði og verður húsnæði Kjarvalsstaða vel nýtt svo ekki sé meira sagt.