midi.is

- Að gefnu tilefni: Kvöldtónleikar Ragga Bjarna hefjast klukkan 21.00 -

Einn dáðasti listamaður þjóðarinnar verður 75 ára þriðjudaginn 22. september og af því tilefni verður slegið upp einstaklega glæsilegum tónlistarviðburði í Höllinni laugardaginn 26. september.

Hvergi verður til sparað í umgjörð og glæsileika og verður Raggi dyggilega studdur af landsliði hljóðfæraleikara, strengjasveit, góðvinum og stórstjörnum.

Gestirnir í þessum magnaða afmælisfagnaði verða ekki af verri endanum en eftirfarandi snillingar eru staðfestir: Björgvin Halldórsson, Diddú, Guðrún Gunnarsdóttir, Hemmi Gunn, Laddi, Mugison, Páll Óskar, Stefán Hilmarsson, Sumargleðin & Buff.

Kynnir er Þorgeir Ástvaldsson og sérstakir heiðursgestir eru Guðmundur Steingrímsson og Ólafur Gaukur úr KK sextettinum. Ekki er loku fyrir það skotið að fleiri góðir gestir bætist í hópinn áður en yfir lýkur.