midi.is

- UPPSELT -

Damien Rice frumflytur nýtt efni á Íslandi.
- Hljóðritar og filmar frumflutning á nýju efni frammi fyrir íslenskum áhorfendum.

Írski tónlistarmaðurinn Damien Rice er væntanlegur til landsins í byrjun nóvember.  Damien mun þá halda hér svokallaðar opnar upptökur þarsem hann mun hljóðrita og filma frumflutning á nýju efni frammi fyrir íslenskum áhorfendum.

Opnu upptökurnar munu fara fram í afar litlu rými sem býður upp á áður óþekkta nálægð milli Damien og áhorfenda.  Auk þess að frumflytja nýtt efni mun Damien einnig leika lög af fyrri plötum sínum og eftir flutninginn munu áhorfendur eiga kost á því að spyrja tónlistarmanninn spjörunum úr.

Um fernar opnar upptökur verður að ræða dagana 4. - 5. nóvember og munu einungis 90 áhorfendur komast inn á hverja fyrir sig.

Nákvæm staðsetning verður ekki gefin upp fyrr en nokkrum klst. áður en þær hefjast en þó skal tekið fram að þær verða á höfuðborgarsvæðinu.

Hámarksfjöldi keyptra aðgöngumiða er bundinn við tvo fyrir hvern kaupanda. ATH að miðasala mun eingöngu fara fram á midi.is, ekki á afgreiðslustöðum midi.is