midi.is

Á Þorláksmessukvöld  mun hljómsveitin Árstíðir efna til einstakra hátíðartónleika í Fríkirkjunni í Reykjavík. Hljómsveitin mun flytja lög af nýútkominni breiðskífu sinni í nýjum útsetningum auk vel valinna jólalaga í félagi við góða vini.

Mörgum eru í minni hátíðartónleikar Árstíða sem sveitin hélt ásamt Svavari Knúti í Fríkirkjunni fyrir ári síðan, en segja má að með þessum tónleikum komist á árleg hefð. Allt er hljótt, nýtt jólalag Árstíða, verður frumflutt á tónleikunum og mega gestir búast við sannri jólastemningu.