midi.is

Hr. Örlygur og RAM Entertainment kynna í samstarfi við Thule og Norska Sendiráðið: Tónleikaveisla á NASA föstudagskvöldið 5 Mars n.k.

Fram koma tvær af aðal hljómsveitunum frá síðustu Iceland Airwaves hátíð, Casiokids frá Noregi, Choir Of Young Believers frá Danmörku og svo íslensku hljómsveitirnar Berndsen & The Young Boys og Sykur. Fleiri listamenn verða tilkynntir innan skams.

CasioKids eru án efa ein af þeim hljómsveitum sem vöktu hvað mesta athygli á síðustu Iceland Airwaves hátíð, þeim var lofað hástert af öllum helstu miðlum er sóttu hátíðina og var þeim í framhaldinu boðið að hita upp fyrir íslandsvinina Hot Chip á tónleikaferðalagi þeirra um Evrópu nú í Febrúar.  Koma þeir því ferskir beint til Íslands og munu án efa gera allt vitlaust fyrir tónþyrsta íslendinga.

Choir Of Young Believers gerðu einnig góða lukku á Airwaves og eru ein af skærustu stjörnum dana um þessar mundir.  Framistaða þeirra á hátíðinni var frábær þar sem þeir tróðu upp fyrir troðfullu Listasafni.  Þeir eru nú á leið til tónleikahalds til Bandaríkjana og óskuðu því sérstaklega eftir því að koma hingað til þess að spila aftur fyrir íslendinga.