midi.is

Vegbúinn – KK í Háskólabíó , ásamt vinum og vandamönnum.

Einn ástsælasti tónlistarmaður þjóðarinnar, Kristján Kristjánsson, KK fagnar á þessum ári 25 ára starfsafmæli.

KK kom sem ferskur blær inn í íslenskt tónlistarlíf árið 1991 með plötu sinni Lucky One og hefur allar götur síðan verið eitt stærsta nafnið í íslenskri tónlist. KK hefur gert 8 plötur í sínu nafni, 5 plötur í samstarfi við Magnús Eiríksson, 2 plötur með hljómsveit sinni KK Band , eina jólaplötu með systur sinni Ellen Kristjánsdóttur sem og fjöldan allann af tónlist fyrir leikhús og kvikmyndir, þar ber hæst tónlist hans í verkunum  Þrúgur Reiðinnar og Fjölskyldan.

KK ætlar að fagna þessum tímamótum og halda tónleika í Háskólabíói laugardaginn 11.september kl 21:00
Þar ætlar KK að fara yfir ferilinn í tali og tónum og fá til sín góða gesti. Hljómsveitin verður svo undir styrkri stjórn Eyþórs Gunnarssonar.

Þetta eru tónleikar sem enginn tónlistarunnandi ætti að láta fram hjá sér fara.