midi.is

Poppkórinn Vocal Project heldur árlega vortónleika sína að þessu sinni í Salnum Kópavogi fimmtudaginn 31. maí klukkan 20:00.

Vocal project flytur létta og skemmtilega en þó ákaflega metnaðarfulla söngdagskrá sem samanstendur fyrst og fremst af vinsælli popp og rokk tónlist en kórinn spreytir sig einnig á gömlum íslenskum dægurperlum og jafnvel þjóðlögum.

Ólíkt mörgum öðrum kórum er eini fastráðni undirleikarinn trommuleikarinn Þorbergur Ólafsson en auk hans spila á tónleikunum Daníel Sigurðsson gítarleikari sem einnig er meðlimur kórsins, Þórir Úlfarsson píanóleikari og Ingólfur Magnússon bassaleikari.
Stjórnandi Vocal project er Matthías V. Baldursson.