midi.is

Gleðihljómsveitin FM Belfast ætlar að kveðja veturinn en umfram allt að fagna komu sumarsins með tónleikum á NASA, ásamt hljómsveitinni Úlfur Úlfur, miðvikudagskvöldið 18. apríl.

Um er ræða fyrstu almennu tónleika FM Belfast á Íslandi síðan í september á síðasta ári en jafnframt þeirra síðustu í langan tíma, enda sveitin á leið í strangt sumartónleikaferðalag og loks í barneignafrí. Ennfremur verða þetta væntanlega síðustu tónleikar FM Belfast á NASA en gert er ráð fyrir að staðurinn loki síðar á árinu. FM Belfast á ófáar unaðslegar minningar frá þessum frábæra tónleikastað og því er það ekkert annað en skylda sveitarinnar að kveðja NASA með stæl.

FM Belfast til halds og trausts á tónleikum verða hip-hop stuðsveinarnir í Úlfur Úlfur.

Veislan hefst kl. 23:00 á síðasta vetrardegi og stendur fram að sólarupprás sumardagsins fyrsta.