midi.is

Björn Thoroddsen gítarleikari hefur á undanförnum misserum látið að sér kveða  í hinum stóra gítarheimi og  verið á tóneikaferðalögum m.a. í N-Ameríku og Evrópu. Björn hefur í gegnum árin verið gestgjafi á velheppnuðum gítarkvöldum Jazzhátíðar Reykjavíkur þar sem gestir hans hafa verið meðal annarra Ulf Wakenius, Kazume Watanabe og Philip Catherine, auk rjómans af innlendum gítarhetjum.

Björn býður upp á blandaða dagskrá, allt frá popplögum yfir í tónlist af nýútkomnum disk þar sem hann leikur jöfnum höndum á rafgítar og kassagítar. Á tónleikunum í Iðnó  er hljómsveitin skipuð norska bassaleikaranum Ola Andersson og  íslenska trommuleikaranum Jóhanni Óskari Hjörleifssyni, en báðir hafa þeir glæsilegan feril að baki.