midi.is

Fyrir skemmstu tók hópur tónlistarmanna á Akureyri sig saman og setti upp tónleikadagskrá tileinkaða söngvaranum Óðni Valdimarssyni. Þar er sagt frá lífshlaupi Óðins í tali og tónum, ferill hann rakinn og flutt öll hans þekktustu lög. Hér er á ferðinni afskaplega vönduð og skemmtileg dagskrá með frábæru tónlistarfólki.

Óðinn Valdimarsson var fæddur á Akureyri 1937 og hann varð einn allra vinsælasti söngvari á Íslandi á árunum 1958 til 1964. Mörg laga Óðins eru fyrir löngu komin í allar söngbækur og enn heyrast lögin hans í útvarpinu eins og Einsi kaldi, Útlaginn, Magga, Ég er kominn heim og mörg fleiri.

Hljómsveitina skipa: Einar Bragi Bragason, Björn Þórarinsson,Valgarður Óli Ómarsson, Stefán Gunnarsson, Snorri Guðvarðsson, Þorleifur Jóhannsson, Hermann Arason, Helena Eyjólfsdóttir, Friðjón Jóhannsson, Óskar Pétursson. Rafn Sveinsson og Brynleifur Hallsson.