midi.is

Með fyrstu tríóplötu sinni á ECM – Changing Places (2003), þótti Tord þegar kominn að kjarna málsins í jazztónlist. Gangrýnendur kepptust við að koma orðum að því hvernig tónlist hans er blíðleg og kraftmikil í senn. Með tveimur tríóplötum til viðbótar (The Ground 2005 og Being There 2007) hefur þessi snjalli tónlistarmaður haldið áfram að slípa tónlistarlega færni sína og hugmyndaauðgi, en hann er líka fræðimaður á sviði tónlistarfræðinnar og fjallar meðal annars um hvernig tónlistarmaðurin kemur heim og saman ákafa augnabliksins annarsvegar og margbreytileika tónlistar sem er samin á ákveðinni tímalínu.

Meðleikarar Tords Gustavsens á Jazzhátíð Reykjavíkur 21. ágúst verða trommuleikarinn Jarle Vespestad -sem hefur ma gert garðinn frægan með hinni stórskemmtilegu hljómsveit Farmers Market, bassaleikarinn Mats Eilertsen – sem um þessar mundir er einn eftirsóttasti kontrabassaleikari Evrópu og saxófónleikarinn Tore Brunborg – sem hefur verið lykilmaður í spennandi Evrópujazzverkefnum síðan á níunda áratug síðustu aldar.

Þetta er einmitt sami mannskapur og leikur á síðustu plötu Tords Gustavsen hjá ECM, sú kom út fyrr á þessu ári og heitir “The Well”.

Norska sendiráðið í Reykjavík veitir ómetanlega aðstoð við þennan viðburð.