midi.is

Gítarleikarinn Bill Frisell hefur verið í fremstu röð bandarískra jazzleikara í áratugi. Það virðist vera sama hvað hann tekur sér fyrir hendur, alltaf tekst honum að skila frá sér tónlist sem á undraverðan máta er bæði framsækin og áheyrileg í senn. Blanda amerískra áhrifa er hvergi eins eðlileg og hjá Bill Frisell. Hvort sem um er að ræða rokk, kántrí, jazz eða blús - þá kemur allt þetta saman í því sem best er líkt sem skemmtilegri tónlist. Og nú hefur Frisell bætt við tónlist sem hafði áhrif á hann eins og alla af hans kynslóð, lögum eftir John Lennon. "Þetta er tónlist sem maður hefur undirbúið sig fyrir allt lífið" segir Frisell um tónlist Lennons - "lögin leiða mann áfram".