The Color Run by Alvogen 2017

Um viðburðinn

Hlauptu og skemmtu þér í gegnum 5 kílómetra langa litapúðurssprengju!

The Color Run í boði Alvogen er ekkert venjulegt hlaup heldur óviðjafnanleg upplifun og fullkomin fjölskylduskemmtun. Taktu þátt í litríkasta og skemmtilegasta hlaupi sumarsins sem slegið hefur í gegn á Íslandi. Líkt og tvö undanfarin ár var uppselt í Reykjavík í júní 2017 en hlaupið verður næst á Akureyri þann 8. júlí. Hlaupið verður frá Akureyrarvelli á Akureyri og hlaupið mun enda á sama stað.

Ath. Frítt fyrir börn fædd árið 2009 og síðar í fylgd með fullorðnum

Dagsetningar
Reykjavík 10. júní 2017 kl. 09.00 - Uppselt
Akureyri 08. júlí 2017 kl. 15.00

Litur + Hlaup = Hátíð!

Þetta snýst ekki um að hlaupa 5 kílómetra á sem skemmstum tíma heldur að hlaupa á þeim hraða og tíma sem þér finnst hæfilegt og gaman. The Color Run er nefnilega ekki kapphlaup heldur hlaup þar sem þúsundir þátttakenda skemmta sér konunglega á meðan þeir verða hjúpaðir lit frá toppi til táar. Í lok hvers kílómetra er hlaupið í gegnum litastöð með tónlist, skemmtun og nýjum lit og við endamarkið keyrir allt um koll með risavaxinni endamarkshátíð þar sem litadýrðin verður gerð ógleymanleg upplifun. Þetta verða hamingjusömustu og skemmtilegustu 5 kílómetrar sumarsins!

Allir hlaupa með

The Color Run er fyrir alla, konur með hár og kalla með skalla, allt frá 2ja ára til 80 ára (jafnvel 102 ára). Sumir hlaupa til að koma í gang betri lífsstíl á skemmtilegan hátt á meðan aðrir hlaupa bara til að skemmta sér með vinum sínum. Þátttakendur geta hlaupið einir sér eða í smærri hópum og sumir hlaupa með ákveðinn tilgang. Hvort sem þú ert gamall brokkari eða afreksíþróttamaður þá mun The Color Run verða eftirminnilegustu og litríkustu 5km í þínu lífi!

Svona fer hlaupið fram

Sem litahlaupari í The Color Run by Alvogen verður þú, ásamt þúsundum annarra þátttakenda, lituð/aður frá toppi til táar við hvern kílómetra sem þú klárar. Í hverju litahliði verður tekið á móti þér með tónlist, skemmtun og nýjum lit.

Þetta snýst ekki um að klára hlaupið á sem skemmstum tíma heldur að hafa gaman og njóta þess að taka þátt. Það mun enginn vinna hlaupið því það er engin tímataka. Þvert á móti hvetjum við alla til að taka sér tíma í að fara í gegnum alla litabrautina og njóta upplifunarinnar.

Með aðeins tvær leikreglur geta allir verið með í The Color Run:

1. Þú skalt vera í hvítum bol þegar þú byrjar!
2. Þú verður litabomba þegar þú kemur í endamarkið! 

Við endamarkið verður síðan epískt litapartý, skemmtidagskrá, stuð og stemning fyrir framan sviðið.

Ert þú klár í hamingjusömustu 5 kílómetra lífs þíns?

The Color Run var fyrsta litahlaupið í heiminum og var fyrst hlaupið árið 2012 í Phoenix, Arizona og var það Bandaríkjamaðurinn Travis Snyder sem kom þessu hlaupi á laggirnar til að hvetja bæði atvinnu- og áhugahlaupara til að hlaupa saman til gamans. Hlaupið hefur farið sigurför um heiminn því um er að ræða einstakan fjölskylduviðburð sem haldinn hefur verið í meira en 40 löndum og tvær milljónir manna hafa tekið þátt. Í dag er þetta stærsta viðburðaröð í heimi og er The Color Run orðið tröllvaxinn viðburður.

Hlaupið var haldið í fyrsta sinn á Íslandi laugardaginn 6. júní 2015. Uppselt var í hlaupið og tóku um það bil 10.000 manns þátt í hlaupinu. Árið 2016 fór hlaupið fram 11. júní og voru þátttakendur 12.000 talsins. Í ár fer hlaupið fram þann 10 júní og sem fyrr verður hátíðin haldin í Hljómskálagarðinum.

Í ár fara fram tvö hlaup. Þann 10. júní í Reykjavík og 8. júlí á Akureyri.

Á hverju ári er ákveðið þema í litahlaupinu. Árið 2016 var það Tropicolor en í ár kallast þemað Dream.

Skilmálar The Color Run