Með Soul í auga

Um viðburðinn

Með SOUL í auga
-Stuð tregi og urrandi ástarjátningar 

SOUL tónlist allra tíma er viðfangsefni tónleikaraðarinnar ,,Með blik í auga" þetta árið sem gengið hefur fyrir fullu húsi á Ljósanótt í Reykjanesbæ undanfarin 6 ár. Sálartónlistin er allstaðar; í diskó, blús og rokki. Það verður því stuð, tregi og urrandi ástarjátningar í boði tónlistarmanna eins og Stevie Wonder, Arethu Franklin, Otis Redding og Van Morrison, svo fáeinir séu nefndir. Einvalalið söngvara og hljóðfæraleikara tekur þátt í sýningunni og eru söngvarar í ár þau Jóhanna Guðrún, Stefanía Svavars, Jón Jónsson, Eyþór Ingi og Helgi Björns

Hljómsveitarstjóri er Arnór B. Vilbergsson og kynnir er að venju ólíkindatólið Kristján Jóhannsson sem farið hefur á kostum hingað til. 

Sýningar fara fram í Andrews leikhúsinu á Ásbrú og er frumsýning 30. ágúst kl.20:00. 

Tvær sýningar verða sunnudaginn 3. september kl. 16:00 og 20:00.