UPPÁHALD

Um viðburðinn

Uppáhald Gunnars Þórðarsonar og Þorsteins Eggertssonar 
– Þriggja rétta kvöldverður, tónleikar, skemmtisögur, gleði og dans

Sýning í anda Broadway undir stjórn Gunnars Þórðarsonar með þriggja rétta kvöldverði, gleði og dans. Kvöldið byrjar með dásamlegum þriggja rétta kvöldverði með píanóleik Birgis Jóhanns Birgissonar. Þegar líður á kvöldverðinn þá stíga Gunnar Þórðarson, Þorsteinn Eggertsson, Þorgeir Ástvaldsson, Alma Rut Kristjánsdóttir og Kristján Gíslason á sviðið. Flutt verða uppáhaldslög Gunnars og Þorsteins sem má einnig segja að séu uppáhaldslög Íslendinga í gegnum tíðina. Á milli laga er slegið á létta strengi þar sem sagðar eru sögurnar á bak við lögin og textana. Eftir tónleikana verður  gleði og dans þar sem spiluð verður tónlist frá árum Hollywood skemmtistaðarins.

Meðal laga sem verða flutt: Gaggó vest – Slappaðu af – Heim í Búðardal – Fjólublátt ljós við barinn – Himinn og jörð – Ljúfa líf – Ástarsæla – Ég elska alla – Harðsnúna Hanna – Er hann birtist – Dans, dans, dans – Eitthvað sætt – ofl.

Borðhald frá 18:30, tónleikar hefjast 20:30.

Nánari lýsing:

Þriggja rétta máltið
Hótel Grímsborgir er með glæsilegan veitingastað og veislusali sem taka allt að 180 manns í sæti sem henta veislum og mannfögnuðum af öllum toga. Rómaðar veitingar, náttúrufegurð og hugguleg umgjörð hótelsins hjálpast að við að skapa notalega stemningu.

Píanóleikari í borðhaldi er Birgir Jóhann Birgisson.

Tónleikar og skemmtisögur
Gunnar Þórðarson tónskáld og Þorsteinn Eggertsson rithöfundur eru þjóðargersemar sem hafa samið mörg af vinsælustu lögum og textum Íslands. Þeir hafa nú tekið saman sín vinsælustu lög og munu þeir flytja þau með aðstoð landsþekktra söngvara. Á milli laga segja þeir sögurnar á bak við tjöldin um textana og lögin.

Meðal laga sem verða flutt: Gaggó vest – Slappaðu af – Heim í Búðardal – Fjólublátt ljós við barinn – Himinn og jörð – Ljúfa líf – Ástarsæla – Ég elska alla – Harðsnúna Hanna – Er hann birtist – Dans, dans, dans – Eitthvað sætt – ofl.

Þeir sem koma fram: Gunnar Þórðarson, Þorsteinn Eggertsson, Alma Rut Kristjánsdóttir, Kristján Gíslason, Þorgeir Ástvaldsson og Birgir Jóhann Birgisson

Gleði og dans
Eftir tónleikana verður gleði og dans þar sem lögin frá árum Hollywood skemmtistaðarins verða spiluð (8. og 9. áratugurinn).

Verð og fyrirkomulag
Verð fyrir þriggja rétta máltíð, tónleika með skemmtisögum, gleði og dans er aðeins 9.900 kr. Ef keyptir eru 4 miðar eða fleiri fær kaupandi sæti við  sér borð. Ef keyptir eru færri miðar þá er ekki hægt að lofa sér borði en það er möguleiki á að panta í síma 555 7878 eftir að miðar hafa verið keyptir. 

Umhverfið og Hótel Grímsborgir
Hótel Grímsborgir er glæsilegt fjögurra stjörnu hótel við Sogið í Grímsnesi umvafið kjarri sem hýsir fjölbreytt fuglalíf og óspillt náttúran nýtur sín allt um kring. Veitingastaður og gistirými eru innréttuð í fáguðum sveitastíl þar sem boðið er upp á alla þjónustu við minni og stærri hópa. 

Hótelið samanstendur af 15 byggingum þar sem finna má móttöku, veitingastað, funda- og ráðstefnusali og gistingu fyrir 230 manns í glæsilegum Superior herbergjum, Junior svítum, svítum, tveggja herbergja íbúðum og 200 m2 lúxusíbúðum.

Vegna stærðar og fjölbreytileika hótelsins þá hentar það jafnt fyrir rómantískar ferðir, árshátíðir, afmæli, saumaklúbba, brúðkaupsveislur, hvataferðir, fundi og ráðstefnur.

Eigendur og gestgjafar Hótel Grímsborga eru hjónin Ólafur Laufdal og Kristín Ketilsdóttir og búa þau  yfir áratugalangri reynslu í hótel- og veitingageiranum. Ásamt þeim er starfslið hótelsins öflugur hópur sem hefur að markmiði að veita viðskiptavinum framúrskarandi þjónustu.

Komdu á “UPPÁHALD” og njóttu alls þess besta sem boðið er uppá í mat, drykk og tónlist. 

Láttu þennan einstaka viðburð ekki fram hjá þér fara.