Extreme Chill Festival 2018

Um viðburðinn

Tónlistarhátíðin Extreme Chill Festival fer fram í Reykjavík dagana 6.-9.september 2018 en þetta er 9.árið sem hátíðin er haldin. 

Hátíðin hefur vakið mikla athygli víða um heim og var t.d. valin ein af eftirtektaverðustu tónlistarhátíðum 2012 í “The Guardian” sökum einstakrar tengingar tónlistar og náttúru.

Extreme Chill er hátíð sem setur ávallt markmiðin hærra með hverju ári og hefur nú verið haldin bæði í Berlín og víða um land og hefur líka verið í samstarfi við ýmsar hátíðir bæði hérlendis og erlendis. 

Hátíðin mun eiga sér stað á fjórum mismunandi stöðum í miðborginni: Harpa (Kaldalón), Gamlabíó, Húrra, Fríkirkjan Í Reykjavík ásamt nokkrum minni stöðum til viðbótar (auglýst síðar). 

Í ár kemur mikill fjöldi listamanna fram á hátíðinni sem verður með enn stærra sniði en áður. Þarna koma saman ólíkir listamenn frá tilraunakenndum listamönnum til klassískrar listamanna. Þ.a.m: Jan Jelinek, Bára Gísladóttir, Banco De Gaia, Dj Flugvél og Geimskip, Marsen Jules, Ragnhild May, Astrid Sonne, Andrew Heath, Sillus, Mankan (Kippi Kaninus & Tom Manoury), o.f.l. o.f.l

Markmið hátíðarinnar er að kynna íslenska og erlenda raftónlistarmenn og tengja saman ólík listform, hljóðheim raftónlistarinnar og lifandi myndheim(visuals). Að tengja saman erlenda og innlenda tónlistar- og videó/myndlistarmenn og sköpun þeirra ásamt því að vekja athygli á rafrænni Reykjavík, raftónlistarhöfuðborg Íslands. 

Hátíðar passinn kostar aðeins 8900 kr fyrir alla fjóra dagana. Við hvetjum því fólk til að tryggja sér passa tímanlega en síðustu ár hefur selt upp og komumst færri að en vildu.

“4 daga tónlistarveisla þar sem íslenskir og erlendir listamenn með ólíkan bakgrunn á öllum aldri mætast í sköpun sinni undir áhrifum íslenskrar náttúru. Þetta verður leyndardómsfullt ferðalag um rafræna Reykjavík.